లింగంపల్లి రైల్వే స్టేషన్‌లో సైబర్ నేరాలపై అవగాహన కార్యక్రమం*
సైబర్ మోసాల పట్ల అప్రమత్తంగా ఉండాలి.. 1930కు ఫిర్యాదు చేయాలి
ప్రజా పిలుపు / తెలంగాణ / సంగారెడ్డి : ప్రయాణికులు, ప్రజలు సైబర్ నేరాల బారిన పడకుండా అప్రమత్తంగా ఉండాలనే ఉద్దేశంతో లింగంపల్లి రైల్వే స్టేషన్‌లో సైబర్ నేరాలపై అవగాహన కార్యక్రమం నిర్వహించారు. ఈ సందర్భంగా డిజిటల్ అరెస్ట్ పేరుతో జరుగుతున్న మోసాలు, నకిలీ పోలీసుల పేరుతో వచ్చే ఫోన్ కాల్స్, ఆన్‌లైన్ పెట్టుబడులు, ఉద్యోగాలు, రుణాల పేరుతో సైబర్ నేరగాళ్లు చేస్తున్న మోసాల గురించి ప్రయాణికులకు వివరించారు.గుర్తుతెలియని వ్యక్తుల నుంచి వచ్చే ఫోన్ కాల్స్ పట్ల అప్రమత్తంగా ఉండాలని, ఎవరైనా పోలీసులమని చెప్పి భయపెట్టి డబ్బులు డిమాండ్ చేస్తే నమ్మవద్దని సూచించారు. ముఖ్యంగా ఓటీపీ, ఏటీఎం పిన్, పాస్‌వర్డ్‌లు, బ్యాంకు ఖాతా వివరాలను ఎవరికీ వెల్లడించకూడదని, గుర్తుతెలియని వ్యక్తులు పంపే అనుమానాస్పద లింకులను క్లిక్ చేయవద్దని అవగాహన కల్పించారు.సైబర్ మోసానికి గురైనట్లయితే ఆలస్యం చేయకుండా వెంటనే 1930 హెల్ప్‌లైన్ నంబర్‌కు ఫోన్ చేయాలని లేదా www.cybercrime.gov.in వెబ్‌సైట్‌లో ఫిర్యాదు చేయాలని సూచించారు. ప్రజల్లో సైబర్ నేరాలపై అవగాహన పెంపొందించుకోవడం ద్వారా ఆర్థిక నష్టాలను నివారించవచ్చని తెలిపారు.ఈ కార్యక్రమంలో ఇన్‌స్పెక్టర్ శ్రీధర్, డీఐ నవీన్, ఆర్పీఎఫ్ ఇన్‌స్పెక్టర్ సైదయ్య, స్టేషన్ మాస్టర్ రాజు, సీసీఐ స్వామి, జీఆర్పీ హెడ్ కానిస్టేబుల్ నర్సింగ్ రాథోడ్, సైబర్ వారియర్ నర్సమ్మ, రైల్వే సిబ్బంది, ప్రయాణికులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
