ఇస్నాపూర్ మున్సిపాలిటీ పరిధిలో యువకుడు అదృశ్యం
ప్రజా పిలుపు / తెలంగాణ / సంగారెడ్డి : ఇస్నాపూర్, సెప్టెంబర్ 7: సంగారెడ్డి జిల్లా ఇస్నాపూర్లో ఓ యువకుడు అదృశ్యమైన ఘటనపై పోలీసులు కేసు నమోదు చేసి దర్యాప్తు చేపట్టారు. పోలీసుల వివరాల ప్రకారం.. ఇస్నాపూర్లో నివాసముంటున్న దినేష్ కుమార్ (32) కిరాణా షాపు నిర్వహిస్తూ జీవనం సాగిస్తున్నాడు.సెప్టెంబర్ 4న సాయంత్రం సుమారు 6 గంటల సమయంలో ఇంటి నుంచి బయటకు వెళ్లిన దినేష్ కుమార్ తిరిగి ఇంటికి రాలేదు. దీంతో ఆందోళనకు గురైన కుటుంబ సభ్యులు, బంధువులు, స్నేహితులు అతని కోసం పలుచోట్ల గాలించినప్పటికీ ఆచూకీ లభించలేదు. అదృశ్యమైన వ్యక్తి ఫోన్ కూడా స్విచ్ఛాఫ్లో ఉండటంతో కుటుంబ సభ్యులు పోలీసులను ఆశ్రయించి ఫిర్యాదు చేశారు.ఫిర్యాదు స్వీకరించిన పోలీసులు కేసు నమోదు చేసి దినేష్ కుమార్ ఆచూకీ కోసం దర్యాప్తు కొనసాగిస్తున్నారు. ఆయనకు సంబంధించిన సమాచారం తెలిసిన వారు పోలీసులకు తెలియజేయాలని కోరారు.
Admin
ప్రజా పిలుపు
మరిన్ని వార్తలు
Developed By :
