ఎస్సై కిష్టారెడ్డి పదవీ విరమణ అభినందన సభ
ప్రజా పిలుపు / తెలంగాణ / సంగారెడ్డి : బొల్లారం డివిజన్ ఎస్సై పి. కిష్టారెడ్డి పదవీ విరమణ అభినందన సభను సోమవారం బొల్లారం సీఐ సుధీర్కుమార్ ఘనంగా నిర్వహించారు. ఈ కార్యక్రమానికి శేర్లింగంపల్లి జోన్ అదనపు డీసీపీ ఉదయ్రెడ్డి, రామచంద్రాపురం డివిజన్ ఏసీపీ శ్రీనివాస్ ముఖ్య అతిథులుగా హాజరయ్యారు.ఈ సందర్భంగా అధికారులు మాట్లాడుతూ పోలీసు శాఖలో వివిధ హోదాల్లో ఎస్సై కిష్టారెడ్డి అంకితభావంతో సేవలందించారని కొనియాడారు. ప్రభుత్వ ఉద్యోగులకు పదవీ విరమణ సహజమని, ఆయన అందించిన సేవలు ఎప్పటికీ గుర్తుండిపోతాయని అన్నారు. పదవీ విరమణ అనంతరం కుటుంబ సభ్యులతో ఆనందంగా శేష జీవితాన్ని గడపాలని ఆకాంక్షించారు.ఈ సందర్భంగా కిష్టారెడ్డి దంపతులను పోలీసు అధికారులు, సిబ్బంది, కుటుంబ సభ్యులు, బంధువులు ఘనంగా సన్మానించారు.అదేవిధంగా బొల్లారం డివిజన్ పోలీస్ స్టేషన్లో ఇన్స్పెక్టర్గా పనిచేసిన ఎం. రవీందర్రెడ్డి బదిలీపై వెళ్లడంతో పోలీసు సిబ్బంది ఘనంగా వీడ్కోలు పలికారు. ఈ సందర్భంగా శేర్లింగంపల్లి జోన్ అదనపు డీసీపీ ఉదయ్రెడ్డి, రామచంద్రాపురం డివిజన్ ఏసీపీ శ్రీనివాస్, బొల్లారం సీఐ సుధీర్కుమార్, పోలీసు సిబ్బంది రవీందర్రెడ్డిని సత్కరించారు.కార్యక్రమంలో ఇన్స్పెక్టర్లు లాలు నాయక్, ప్రవీణ్రెడ్డి, పదవీ విరమణ పొందిన ఎస్సై దశరథ్, బొల్లారం ఎస్సై అక్షిత, పోలీసు సిబ్బంది, కుటుంబ సభ్యులు, బంధువులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
