*హామీలు నెరవేర్చకుండా సంగారెడ్డికి వస్తే ప్రజాస్వామ్య పద్ధతిలో నిరసన
ప్రజా పిలుపు / తెలంగాణ / సంగారెడ్డి : ఎన్నికల సమయంలో ఇచ్చిన హామీలను నెరవేర్చకుండా ముఖ్యమంత్రి రేవంత్రెడ్డి సంగారెడ్డికి వస్తే ప్రజాస్వామ్య పద్ధతిలో శాంతియుత నిరసన చేపడతామని తెలంగాణ రాజ్యాధికార పార్టీ రాష్ట్ర కార్యదర్శి రమేష్యాదవ్ తెలిపారు.ఈ నెల 15న ముఖ్యమంత్రి సంగారెడ్డి పర్యటన నేపథ్యంలో ఆయన మాట్లాడుతూ ఎన్నికల ముందు కామారెడ్డి డిక్లరేషన్ పేరుతో ప్రజలకు అనేక హామీలు ఇచ్చారని, అధికారంలోకి వచ్చిన తర్వాత వాటిని పూర్తిస్థాయిలో అమలు చేయకుండా ప్రజల మధ్యకు రావడం సరికాదన్నారు.నిరుద్యోగులు ఉద్యోగాల కోసం ఎదురుచూస్తున్నారని, విద్యార్థులు భవిష్యత్తుపై ఆందోళన చెందుతున్నారని పేర్కొన్నారు. ముఖ్యంగా విద్యార్థులకు సంబంధించిన ఫీజు రీయింబర్స్మెంట్ బకాయిలను వెంటనే విడుదల చేసి, కళాశాలలకు చెల్లించాల్సిన బకాయిలను ప్రభుత్వం క్లియర్ చేయాలని డిమాండ్ చేశారు.ఎన్నికల సమయంలో యువత, విద్యార్థులకు ఇచ్చిన హామీలను నెరవేర్చకుండా కేవలం ఎన్నికల సమయంలోనే ప్రజలను గుర్తు చేసుకోవడం సరికాదన్నారు. ముఖ్యమంత్రి సంగారెడ్డికి వచ్చే ముందు కామారెడ్డి డిక్లరేషన్లో ఇచ్చిన హామీల అమలుపై ప్రజలకు స్పష్టమైన సమాధానం ఇవ్వాలని కోరారు.నిరుద్యోగులు, విద్యార్థులు, యువతకు న్యాయం చేయడంతో పాటు ఫీజు రీయింబర్స్మెంట్ బకాయిలను వెంటనే విడుదల చేయాలని డిమాండ్ చేశారు. హామీల అమలుపై స్పష్టత ఇవ్వకుండా ముఖ్యమంత్రి సంగారెడ్డికి వస్తే తెలంగాణ రాజ్యాధికార పార్టీ ఆధ్వర్యంలో ప్రజాస్వామ్య పద్ధతిలో శాంతియుత నిరసన చేపడతామని హెచ్చరించారు. విద్యార్థులు, నిరుద్యోగులు, యువత హక్కుల కోసం తమ పోరాటం కొనసాగుతుందని తెలిపారు.ఈ కార్యక్రమంలో పార్టీ రాష్ట్ర కార్యదర్శి రమేష్యాదవ్, జిల్లా ఉపాధ్యక్షుడు సుధాకర్, జిల్లా వర్కింగ్ ప్రెసిడెంట్ రవి, జిల్లా మైనార్టీ అధ్యక్షుడు నవాజ్ తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
