*ఉద్యోగ జీవితంలో పదవీ విరమణ సహజం*
ఎస్ఐలు కిష్టారెడ్డి, పవన్, రఫిక్ లకు ఘన వీడ్కోలు:జిల్లా ఎస్పీ పరితోష్ పంకజ్
ప్రజా పిలుపు / తెలంగాణ / సంగారెడ్డి : ఉద్యోగ జీవితంలో పదవీ విరమణ సహజమని, ఎలాంటి ప్రతికూల రిమార్కులు లేకుండా సుదీర్ఘకాలం సేవలందించి పదవీ విరమణ పొందడం గొప్ప విషయమని సంగారెడ్డి జిల్లా ఎస్పీ పరితోష్ పంకజ్, ఐపీఎస్ అన్నారు. జిల్లా పోలీసు కార్యాలయంలో సోమవారం నిర్వహించిన పదవీ విరమణ వీడ్కోలు కార్యక్రమంలో ఎస్ఐలు కిష్టారెడ్డి, పవన్, రఫిక్ లను ఘనంగా సత్కరించి జ్ఞాపికలు అందజేశారు.ఈ సందర్భంగా ఎస్పీ మాట్లాడుతూ.. పోలీసు ఉద్యోగంలో సుదీర్ఘకాలం నిబద్ధతతో, క్రమశిక్షణతో విధులు నిర్వహించి పదవీ విరమణ పొందడం అభినందనీయమన్నారు. ఒక ఉద్యోగి తన విధులను విజయవంతంగా నిర్వర్తించడంలో ఉద్యోగితో పాటు కుటుంబ సభ్యుల సహకారం, బాధ్యత కూడా ఎంతో కీలకమని పేర్కొన్నారు.ఎస్ఐ కిష్టారెడ్డి 1985లో సివిల్ పోలీస్ కానిస్టేబుల్గా పోలీసు శాఖలో చేరారని తెలిపారు. ఉమ్మడి మెదక్ జిల్లాలోని నక్సల్స్ ప్రభావిత ప్రాంతాల్లో ధైర్యసాహసాలతో విధులు నిర్వహించి, సుదీర్ఘకాలం విశిష్ట సేవలు అందించారని అన్నారు. ఎలాంటి ప్రతికూల రిమార్కులు లేకుండా అంచెలంచెలుగా పదోన్నతులు పొందుతూ సబ్-ఇన్స్పెక్టర్ స్థాయికి ఎదగడం ఆయన నిబద్ధత, క్రమశిక్షణకు నిదర్శనమన్నారు.ఎస్ఐ పవన్ 1989లో సివిల్ పోలీస్ కానిస్టేబుల్గా పోలీసు శాఖలో చేరారని, ఉమ్మడి మెదక్ జిల్లాలోని నక్సల్స్ ప్రభావిత ప్రాంతాలతో పాటు గ్రేహౌండ్స్ విభాగంలో ధైర్యసాహసాలతో విధులు నిర్వహించారని ఎస్పీ తెలిపారు. పోలీసు శాఖలో సుదీర్ఘకాలం విశిష్ట సేవలు అందించి, ఎలాంటి ప్రతికూల రిమార్కులు లేకుండా పదోన్నతులు పొందుతూ ఎస్ఐ స్థాయికి ఎదిగారని పేర్కొన్నారు.ఎస్ఐ రఫిక్ 1989లో సివిల్ పోలీస్ కానిస్టేబుల్గా పోలీసు శాఖలో చేరి, ఉమ్మడి మెదక్ జిల్లాలోని నక్సల్స్ ప్రభావిత ప్రాంతాల్లో ధైర్యసాహసాలతో విధులు నిర్వహించారని తెలిపారు. సుదీర్ఘకాలం పోలీసు శాఖలో విశిష్ట సేవలు అందించి, ఎలాంటి ప్రతికూల రిమార్కులు లేకుండా అంచెలంచెలుగా పదోన్నతులు పొందుతూ ఎస్ఐ స్థాయికి ఎదిగారని అన్నారు.పదవీ విరమణ అనంతరం ముగ్గురూ ఆయురారోగ్యాలతో కుటుంబ సభ్యులతో కలిసి ఆనందంగా, ప్రశాంతమైన జీవితం గడపాలని ఎస్పీ ఆకాంక్షించారు. పోలీసు శాఖ తరఫున వారికి, వారి కుటుంబ సభ్యులకు అవసరమైన సహాయ సహకారాలు ఎల్లప్పుడూ అందిస్తామని హామీ ఇచ్చారు.కార్యక్రమంలో అదనపు ఎస్పీ చైతన్య రెడ్డి, ఐపీఎస్., అడ్మినిస్ట్రేటివ్ అధికారి పద్మావతి, ఎస్బీ ఇన్స్పెక్టర్ సదా నాగరాజు, ఆర్ఐ సురేష్, పదవీ విరమణ పొందుతున్న ఎస్ఐల కుటుంబ సభ్యులు, పోలీసు అసోసియేషన్ అధ్యక్షుడు జనార్ధన్, పోలీసు సిబ్బంది తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
