కేసీఆర్ పార్క్ భూమిని పరిరక్షించాలి
పార్క్ స్థలంలో ఆక్రమణలు, రహదారి నిర్మాణంపై విచారణ జరపాలి
ప్రజా పిలుపు / తెలంగాణ / సంగారెడ్డి : పాశమైలారం పారిశ్రామిక ప్రాంతంలోని కేసీఆర్ పార్క్‌కు కేటాయించిన భూమిని పరిరక్షించాలని ఇస్నాపూర్ మున్సిపాలిటీ కో-ఆప్షన్ సభ్యుడు మొహమ్మద్ నిజాముద్దీన్ బాబా అధికారులను కోరారు. ఈ మేరకు శుక్రవారం టీజీఐఐసీ జోనల్ కమిషనర్ ఆర్. విఠల్‌ను కలిసి ఫిర్యాదు పత్రాన్ని అందజేశారు.పార్క్ ఏర్పాటుకు కేటాయించిన సుమారు 10 ఎకరాల భూమిలో కొంత భాగం ఆక్రమణకు గురైనట్లు, పార్క్ స్థలం నుంచి రహదారి నిర్మించినట్లు ఫిర్యాదులో పేర్కొన్నారు. పార్క్ కోసం కేటాయించిన భూమి పరిరక్షణకు అధికారులు తక్షణ చర్యలు చేపట్టాలని కోరారు. భూమికి సంబంధించిన సర్వే నంబర్లు, హద్దులు, ఆమోదిత నమూనా ప్రణాళిక, ప్రస్తుత పరిస్థితిపై సమగ్ర విచారణ జరిపి వాస్తవాలను నిర్ధారించాలని విజ్ఞప్తి చేశారు.విచారణలో ఆక్రమణలు లేదా అనధికార నిర్మాణాలు ఉన్నట్లు తేలితే బాధ్యులపై చట్టప్రకారం చర్యలు తీసుకోవాలని కోరారు. భవిష్యత్తులో పార్క్ స్థలం ఆక్రమణకు గురికాకుండా సర్వే రాళ్లు ఏర్పాటు చేసి, భూమి హద్దులను స్పష్టంగా నిర్ణయించాలని సూచించారు. అలాగే పార్క్ భూమి చుట్టూ కంచె ఏర్పాటు చేసి, కేటాయించిన స్థలాన్ని పూర్తిస్థాయిలో పరిరక్షించాలని మొహమ్మద్ నిజాముద్దీన్ బాబా అధికారులను కోరారు.
Admin
ప్రజా పిలుపు
మరిన్ని వార్తలు
Developed By :
