శ్రీ కనకదుర్గ డ్రై క్లీనింగ్ లాండ్రీ షాప్ దగ్ధం.. షార్ట్ సర్క్యూట్తో 3 నుంచి 4 లక్షల రూపాయలు నష్టం వాటిల్లిందని విష్ణు ఆవేదన!
ప్రజా పిలుపు / తెలంగాణ / సంగారెడ్డి : అమీన్పూర్ జీహెచ్ఎంసీ పరిధిలోని బీరంగూడ డివిజన్ పరిధిలో ఉన్న జయలక్ష్మీ నగర్ కాలనీలో ఘోర అగ్నిప్రమాదం సంభవించింది. కాలనీలోని రోడ్డు నంబర్ 3 లక్ష్మీనగర్ లో గల ‘శ్రీ కనకదుర్గ డ్రై క్లీనింగ్ & లాండ్రీ’ షాపులో అకస్మాత్తుగా విద్యుత్ షార్ట్ సర్క్యూట్ ఏర్పడి షాప్ అంతా తగల బడింది. ఈ ప్రమాదంలో షాప్ పూర్తిగా దగ్ధమైంది.లాండ్రీ షాప్ ఓనర్ విష్ణు తెలిపిన వివరాల ప్రకారం.. ఉదయం సుమారు 7:00 నుండి 7:30 గంటల ప్రాంతంలో ఈ షార్ట్ సర్క్యూట్ సంభవించింది. షాప్ ముందు ప్రాంతంలో ఉన్న స్థానికులు వెంటనే స్పందించి ఫోన్ చేసి సమాచారం అందించడంతో తాను అక్కడకు చేరుకునేసరికి షాప్లోని వస్తువులన్నీ పూర్తిగా కాలిపోయాయి.ఈ ప్రమాదంలో సుమారు 70 నుంచి 80 జతల కస్టమర్ల బట్టలు, డ్రై వాష్ మరియు ఐరన్ బట్టలు, ఇనుప మడతలు అన్నీ అగ్నికి ఆహుతయ్యాయని ఓనర్ విష్ణు తెలిపారు. ఈ సంఘటన ద్వారా తాను 3 నుంచి 4 లక్షల రూపాయలు నష్టపోయినట్టు ఆయన కన్నీటిపర్యంతమయ్యాడు. ప్రభుత్వం మరియు అధికారులు స్పందించి తమను ఆదుకోవాలని విష్ణు విజ్ఞప్తి చేశారు.
Admin
ప్రజా పిలుపు
మరిన్ని వార్తలు
Developed By :
