పటాన్చెరులో ఘనంగా పలారం బండి ఊరేగింపు
ప్రజా పిలుపు / తెలంగాణ / సంగారెడ్డి : పటాన్చెరు పట్టణంలో ముదిరాజ్ సంఘం ఆధ్వర్యంలో నిర్వహించిన అమ్మవారి పలారం బండి ఊరేగింపు వైభవంగా జరిగింది. ముదిరాజ్ సంఘం అధ్యక్షుడు జలగరి ఎట్టయ్య నేతృత్వంలో జరిగిన ఈ కార్యక్రమంలో ఎమ్మెల్యే గూడెం మహిపాల్ రెడ్డి, తెలంగాణ రాష్ట్ర నాయకుడు నీలం మధు ముదిరాజ్, ఎండీఆర్ ఫౌండేషన్ వ్యవస్థాపకుడు మాద్రి పృథ్వీరాజ్, కాంగ్రెస్ ప్రోటోకాల్ చైర్మన్ ఆదిత్య రెడ్డి తదితరులు పాల్గొన్నారు.డప్పు చప్పుళ్లు, మంగళవాయిద్యాలు, అమ్మవారి నామస్మరణల మధ్య సాగిన ఊరేగింపులో మహిళలు, యువతతో పాటు వివిధ వర్గాల ప్రజలు పెద్ద సంఖ్యలో పాల్గొన్నారు. డప్పుల మోతకు మాద్రి పృథ్వీరాజ్, జలగరి ఎట్టయ్య ఉత్సాహంగా నృత్యం చేయడం ప్రత్యేక ఆకర్షణగా నిలిచింది. కులమతాలకు అతీతంగా ప్రజలు పాల్గొనడంతో మత సామరస్యం వెల్లివిరిసింది.కార్యక్రమాన్ని విజయవంతం చేసిన ప్రజలు, ముదిరాజ్ బంధుమిత్రులకు నిర్వాహకులు కృతజ్ఞతలు తెలిపారు. సమాజ ఐక్యత, అభివృద్ధి కోసం భవిష్యత్లో మరిన్ని సామాజిక, ఆధ్యాత్మిక కార్యక్రమాలు నిర్వహిస్తామని ముదిరాజ్ సంఘం నాయకుడు సఫాన్ దేవ్ తెలిపారు.
Admin
ప్రజా పిలుపు
మరిన్ని వార్తలు
Developed By :
