మాజీ మంత్రి హరీష్ రావును కలిసిన చిట్కుల్ కాంగ్రెస్ నాయకులు
త్వరలో బీఆర్ఎస్లో చేరేందుకు పలువురు కాంగ్రెస్ నేతలు సిద్ధం
ప్రజా పిలుపు / తెలంగాణ / సంగారెడ్డి : పటాన్చెరు నియోజకవర్గం ఇస్నాపూర్ మున్సిపల్ పరిధిలోని చిట్కుల్ గ్రామానికి చెందిన పలువురు కాంగ్రెస్ నాయకులు మాజీ మంత్రి, సిద్దిపేట ఎమ్మెల్యే తన్నీరు హరీష్ రావును మర్యాదపూర్వకంగా కలిశారు. పటాన్చెరు మండల బీఆర్ఎస్ ఇన్చార్జ్, మాజీ జెడ్పీటీసీ గడీల శ్రీకాంత్ గౌడ్ ఆధ్వర్యంలో పటాన్చెరు నియోజకవర్గ కో-ఆర్డినేటర్ ఆదర్శ్ రెడ్డి, మాజీ ఎంపీపీ శ్రీశైలం యాదవ్తో కలిసి కోకాపేటలోని హరీష్ రావు నివాసానికి వెళ్లి ఆయనను కలిశారు.ఈ సందర్భంగా పటాన్చెరు నియోజకవర్గ రాజకీయ పరిస్థితులతో పాటు చిట్కుల్ గ్రామ అభివృద్ధి, స్థానిక ప్రజలు ఎదుర్కొంటున్న సమస్యలు, వాటి పరిష్కారానికి తీసుకోవాల్సిన చర్యలపై చర్చించినట్లు తెలిపారు. అనంతరం చిట్కుల్ కాంగ్రెస్ నాయకులు పటాన్చెరు ఎమ్మెల్యే గూడెం మహిపాల్ రెడ్డిని ఆయన క్యాంపు కార్యాలయంలో మర్యాదపూర్వకంగా కలిశారు.చిట్కుల్ గ్రామ అభివృద్ధి, ప్రజా సమస్యల పరిష్కారం కోసం బీఆర్ఎస్ పార్టీతో కలిసి పనిచేయాలనే ఆసక్తిని కాంగ్రెస్ నాయకులు వ్యక్తం చేసినట్లు సమాచారం. బీఆర్ఎస్ పార్టీ చేపడుతున్న ప్రజా ఉద్యమాలు, ప్రజా సమస్యలపై పార్టీ నాయకత్వం చేస్తున్న పోరాటాల పట్ల ఆకర్షితులై పలువురు కాంగ్రెస్ నాయకులు బీఆర్ఎస్లో చేరేందుకు ఆసక్తి చూపుతున్నట్లు పార్టీ వర్గాలు పేర్కొన్నాయి.త్వరలో చిట్కుల్ గ్రామానికి చెందిన పలువురు కాంగ్రెస్ నాయకులు బీఆర్ఎస్ పార్టీలో చేరేందుకు సిద్ధమవుతున్నట్లు ఈ సందర్భంగా సంకేతాలు వెలువడ్డాయి. పెద్ద సంఖ్యలో నాయకులు పార్టీ మారే అవకాశం ఉండటంతో ఈ పరిణామం పటాన్చెరు నియోజకవర్గ రాజకీయాల్లో ప్రాధాన్యత సంతరించుకుంది.ఈ సందర్భంగా నాయకులు మాట్లాడుతూ పటాన్చెరు నియోజకవర్గ అభివృద్ధి, చిట్కుల్ గ్రామ ప్రజల సంక్షేమం కోసం సమష్టిగా కృషి చేయాల్సిన అవసరం ఉందన్నారు. ప్రజల సమస్యల పరిష్కారానికి అందరూ కలిసి పనిచేయాలని పేర్కొన్నారు.ఈ కార్యక్రమంలో చిట్కుల్ గ్రామానికి చెందిన మాజీ వార్డు సభ్యులు వల్లెపు వెంకటేష్, రాజ్ కుమార్, మురళి యాదవ్, కాంగ్రెస్ నాయకులు మడగుల సంతోష్, మంజలి శ్రీను, వల్లెపు రాయుడు, భీమ, యాది, మాడుగుల వెంకట్ తదితరులు పాల్గొన్నారు. అలాగే ఇస్నాపూర్ మున్సిపల్ కౌన్సిలర్లు తలారి ఆంజనేయులు, బేగరి వెంకటేష్, కో-ఆప్షన్ సభ్యులు విష్ణువర్ధన్ రెడ్డి, గుండారపు సంపత్ పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
