సర్వే నంబర్ 325 భూములకు పట్టాలు ఇవ్వాలని ఎర్రవల్లి యాదవుల విజ్ఞప్తి*
ప్రజా పిలుపు / తెలంగాణ / Nalgonda : ఎర్రవల్లిలోని సర్వే నంబర్ 325లో ఉన్న భూములకు వెంటనే పట్టాలు మంజూరు చేయాలని ఎర్రవల్లి యాదవులు ప్రభుత్వాన్ని కోరారు. అప్పటి కాంగ్రెస్ ప్రభుత్వ హయాంలో తమకు 30 ఎకరాల భూమిని పంపిణీ చేసి పట్టాలు అందజేశారని వారు తెలిపారు.ఈ సర్వే నంబర్‌లో దళితులతో పాటు అన్ని కులాల వారికి భూములు పంపిణీ చేసినట్లు పేర్కొన్నారు. గతంలో రాళ్లు, గుట్టలతో సాగుకు అనువుగా లేని ఈ భూములను కేసీఆర్ ప్రభుత్వం పాండురంగ జలాశయం, కోణం చెరువుల అభివృద్ధి ద్వారా సాగుకు అనుకూలంగా మార్చిందని యాదవులు తెలిపారు.సర్వే నంబర్ 325లో కేసీఆర్‌కు ఎలాంటి భూమి లేదని వారు స్పష్టం చేశారు. తమ వద్ద పాత పట్టాదారు పాస్ పుస్తకాలు ఉన్నాయని, వాటి ఆధారంగా బ్యాంకుల నుంచి రుణాలు కూడా తీసుకున్నామని తెలిపారు. ధరణి అమల్లోకి వచ్చిన తర్వాతే సర్వే నంబర్ 325ను నిలిపివేసి, ఎర్ర గుర్తు పెట్టారని ఆరోపించారు.తమ భూములకు ప్రస్తుత ప్రభుత్వం వెంటనే పట్టాలు మంజూరు చేసి, సమస్యను పరిష్కరించాలని ఎర్రవల్లి యాదవులు విజ్ఞప్తి చేశారు.
Admin
ప్రజా పిలుపు
మరిన్ని వార్తలు
Developed By :
