పటాన్చెరు మార్కెట్ యార్డులో బురద.. అడుగడుగునా అవస్థలు
ప్రజా పిలుపు / తెలంగాణ / సంగారెడ్డి : వర్షాల కారణంగా సంగారెడ్డి జిల్లా పటాన్చెరు వ్యవసాయ మార్కెట్ యార్డు బురదమయంగా మారింది. యార్డు ప్రాంగణమంతా బురద, నీరు నిల్వ ఉండటంతో రైతులు, కూరగాయల వ్యాపారులు, కూలీలు, కొనుగోలుదారులు తీవ్ర ఇబ్బందులు ఎదుర్కొంటున్నారు. అడుగడుగునా బురద ఉండటంతో నడిచి వెళ్లడమే కష్టంగా మారిందని ప్రజలు వాపోతున్నారు.ముఖ్యంగా కూరగాయలు విక్రయించే వ్యాపారులకు కనీసం కూర్చునేందుకు కూడా స్థలం లేకుండా పోయిందని ఆవేదన వ్యక్తం చేస్తున్నారు. బురదలోనే వ్యాపారం నిర్వహించాల్సి వస్తోందని, దీంతో వ్యాపార కార్యకలాపాలు కూడా ప్రభావిత మవుతున్నాయని తెలిపారు.వర్షపు నీరు నిల్వ ఉండటంతో పరిశుభ్రత దెబ్బతింటోందని, జారిపడి ప్రమాదాలు జరిగే అవకాశం ఉందని స్థానికులు ఆందోళన వ్యక్తం చేస్తున్నారు. మార్కెట్ యార్డులో తక్షణమే బురదను తొలగించి, నీరు నిల్వ కాకుండా చర్యలు చేపట్టాలని రైతులు, వ్యాపారులు సంబంధిత అధికారులను కోరుతున్నారు.అలాగే మార్కెట్ యార్డులో శాశ్వత పారుదల వ్యవస్థను ఏర్పాటు చేసి,వర్షాకాలంలో బురదసమస్యపునరావృతంకాకుండాశాశ్వతపరిష్కారం చూపాలని ప్రజలు విజ్ఞప్తి చేస్తున్నారు.
Admin
ప్రజా పిలుపు
మరిన్ని వార్తలు
Developed By :
