దీపావళి టపాసుల విక్రయదారులకు ఫైర్ సీఐ నాగేందర్ సూచనలు
ప్రజా పిలుపు / తెలంగాణ / సంగారెడ్డి : సంగారెడ్డి జిల్లా పటాన్‌చేరు పట్టణంలోని మైత్రి మైదానంలో దీపావళి పండుగను పురస్కరించుకొని టపాసుల విక్రయాలకు ఏర్పాట్లు చేపట్టారు. ఈ సందర్భంగా టపాసుల వ్యాపారులకు ఫైర్ సీఐ నాగేందర్ పలు కీలక సూచనలు చేశారు. మైత్రి మైదానంలో కేవలం 30 దుకాణాలకు మాత్రమే టపాసుల విక్రయాల అనుమతులు జారీ చేస్తామని ఆయన స్పష్టం చేశారు. అనుమతులు పొందిన వ్యాపారులు మాత్రమే విక్రయాలు చేపట్టాలని తెలిపారు.టపాసుల విక్రయ కేంద్రాల వద్ద ఎలాంటి అగ్నిప్రమాదాలు జరగకుండా తగిన జాగ్రత్తలు తీసుకోవాలని సూచించారు. ప్రతి దుకాణం వద్ద ఇసుక, నీరు, అగ్నిమాపక పరికరాలను అందుబాటులో ఉంచుకోవాలని, విద్యుత్ షార్ట్ సర్క్యూట్‌కు అవకాశం లేకుండా జాగ్రత్తలు పాటించాలని తెలిపారు. దుకాణాల వద్ద పొగతాగడం, నిప్పు వెలిగించడం పూర్తిగా నిషేధమని స్పష్టం చేశారు. నిబంధనలకు అనుగుణంగా వ్యాపారాలు నిర్వహిస్తూ ప్రజల భద్రతకు ప్రాధాన్యత ఇవ్వాలని ఫైర్ సీఐ నాగేందర్ సూచించారు.
Admin
ప్రజా పిలుపు
మరిన్ని వార్తలు
Developed By :
