420 హామీలపై సమరభేరి.. కాంగ్రెస్ ప్రభుత్వంపై బీఆర్ఎస్ ధర్నా
ప్రజా పిలుపు / తెలంగాణ / సంగారెడ్డి : ఎన్నికల సమయంలో ప్రజలకు ఇచ్చిన 420 హామీలను అమలు చేయడంలో కాంగ్రెస్ ప్రభుత్వం విఫలమైందని ఆరోపిస్తూ బీఆర్ఎస్ పార్టీ ఆధ్వర్యంలో నారాయణఖేడ్‌లో భారీ ధర్నా నిర్వహించారు.నియోజకవర్గ మాజీ ఎమ్మెల్యే మహారెడ్డి భూపాల్‌రెడ్డి ఆధ్వర్యంలో నిర్వహించిన ఈ కార్యక్రమంలో బీఆర్ఎస్ నాయకులు, కార్యకర్తలు, ప్రజలు పెద్ద సంఖ్యలో పాల్గొన్నారు. కాంగ్రెస్ ప్రభుత్వం అధికారంలోకి వచ్చి వెయ్యి రోజులు పూర్తయినా ఎన్నికల సమయంలో ఇచ్చిన హామీలు పూర్తిస్థాయిలో అమలు కాలేదని నాయకులు ఆరోపించారు.ఈ సందర్భంగా బీఆర్ఎస్ నాయకులు మాట్లాడుతూ.. ప్రజలకు ఇచ్చిన హామీలను తక్షణమే అమలు చేయాలని డిమాండ్ చేశారు. రైతులకు న్యాయం చేయాలని, యువతకు ఉద్యోగ అవకాశాలు కల్పించాలని, మహిళలకు ఇచ్చిన హామీలను నెరవేర్చాలని, పేదలకు సంక్షేమ పథకాలు అందించాలని కోరారు. నారాయణఖేడ్ నియోజకవర్గంలోని పెండింగ్‌లో ఉన్న ప్రజా సమస్యలను వెంటనే పరిష్కరించాలని ప్రభుత్వాన్ని డిమాండ్ చేశారు.ఎన్నికల సమయంలో హామీలు ఇచ్చి అధికారంలోకి వచ్చిన ప్రభుత్వం ప్రజలకు జవాబుదారీగా వ్యవహరించాలని, ఇచ్చిన మాటను నిలబెట్టుకోవాలని నాయకులు అన్నారు. కాంగ్రెస్ ప్రభుత్వ వైఫల్యాలను ప్రజల దృష్టికి తీసుకెళ్లడంతో పాటు ప్రజా సమస్యల పరిష్కారం కోసం బీఆర్ఎస్ ఆధ్వర్యంలో పోరాటాలను మరింత ఉధృతం చేస్తామని తెలిపారు.
Admin
ప్రజా పిలుపు
మరిన్ని వార్తలు
Developed By :
