కాంగ్రెస్ హామీల అమలులో విఫలం: సింధు ఆదర్శ్ రెడ్డి*
భారతి నగర్ డివిజన్‌లో ‘బాకీ కార్డుల’ పంపిణీ*
ప్రజా పిలుపు / తెలంగాణ / సంగారెడ్డి : ఎన్నికల సమయంలో ప్రజలకు ఇచ్చిన హామీలను అమలు చేయకుండా కాంగ్రెస్ ప్రభుత్వం మోసం చేస్తోందని మాజీ కార్పొరేటర్ సింధు ఆదర్శ్ రెడ్డి ఆరోపించారు. బీఆర్ఎస్ పార్టీ అధిష్ఠానం పిలుపు మేరకు సెప్టెంబర్ 2 నుంచి 7 వరకు నిర్వహిస్తున్న ‘కాంగ్రెస్ పార్టీ 420 మోసాలపై బీఆర్ఎస్ పార్టీ పోరుబాట’లో భాగంగా బుధవారం భారతి నగర్ డివిజన్ ఎల్‌ఐజీ కాలనీలో బాకీ కార్డులను పంపిణీ చేశారు.ఈ సందర్భంగా కాంగ్రెస్ ప్రభుత్వం ఎన్నికల సమయంలో ప్రకటించిన సంక్షేమ హామీలు, వాటి కింద ప్రజలకు అందాల్సిన ప్రయోజనాల వివరాలను ఆమె ప్రజలకు వివరించారు. మహిళలకు నెలకు రూ.2,500, వృద్ధులు, దివ్యాంగులు, బీడీ కార్మికులకు పెన్షన్లు, నిరుద్యోగ భృతి, రైతు భరోసా, రైతు రుణమాఫీ, కల్యాణ లక్ష్మి–షాదీ ముబారక్ కింద తులం బంగారం, విద్యార్థులకు స్కూటీలు, ఫీజు రీయింబర్స్‌మెంట్, వరి పంటకు బోనస్, రైతు కూలీలకు ఆర్థిక సాయం, విద్యా భరోసా కార్డు, ఆటో కార్మికులకు ఆర్థిక సహాయం వంటి హామీలను గుర్తుచేశారు.వెయ్యి రోజులు.. 33 నెలల పాలనలో ప్రజలకు అందాల్సిన సంక్షేమ పథకాల బకాయిలను వెంటనే విడుదల చేయాలి. ఎన్నికల హామీలను అమలు చేసి ప్రజలకు న్యాయం చేయాలి” అని సింధు ఆదర్శ్ రెడ్డి డిమాండ్ చేశారు.ప్రజలకు ఇచ్చిన హామీలను నెరవేర్చే వరకు బీఆర్ఎస్ పార్టీ ప్రజల తరఫున నిరంతరం పోరాటం కొనసాగిస్తుందని ఆమె స్పష్టం చేశారు.
Admin
ప్రజా పిలుపు
మరిన్ని వార్తలు
Developed By :
