ప్రజా సమస్యల పరిష్కారమే మా ప్రథమ ప్రాధాన్యత
*ఉస్మాన్‌నగర్ బి-మ్యాక్ కాలనీలో సీసీ రోడ్డు, రక్షిత మంచినీటి సరఫరా ప్రారంభించిన పటాన్చెరు ఎమ్మెల్యే గూడెం మహిపాల్ రెడ్డి
ప్రజా పిలుపు / తెలంగాణ / సంగారెడ్డి : ప్రజల అవసరాలు, ఆకాంక్షలకు అనుగుణంగా అభివృద్ధి పనులు చేపడుతూ, ప్రజా సమస్యల పరిష్కారానికి ప్రథమ ప్రాధాన్యత ఇస్తున్నామని పటాన్చెరు ఎమ్మెల్యే గూడెం మహిపాల్ రెడ్డి అన్నారు.తెల్లాపూర్ డివిజన్ పరిధిలోని ఉస్మాన్‌నగర్ బి-మ్యాక్ సొసైటీ కాలనీలో శుక్రవారం నిర్వహించిన కార్యక్రమంలో మాజీ కౌన్సిలర్ చిట్టి ఉమేష్ సొంత నిధులతో నిర్మించిన నూతన సీసీ రోడ్డును, ఇంటింటికీ రక్షిత మంచినీటి సరఫరా కార్యక్రమాన్ని ఎమ్మెల్యే గూడెం మహిపాల్ రెడ్డి ప్రారంభించారు.ఈ సందర్భంగా ఎమ్మెల్యే మాట్లాడుతూ కాలనీల్లో ప్రజలు ఎదుర్కొంటున్న మౌలిక వసతుల సమస్యలను గుర్తించి దశలవారీగా పరిష్కరిస్తున్నామని తెలిపారు. రహదారులు, తాగునీరు, డ్రైనేజీ, విద్యుత్, పారిశుద్ధ్యం వంటి మౌలిక వసతుల కల్పనకు ప్రత్యేక ప్రాధాన్యత ఇస్తున్నట్లు పేర్కొన్నారు. అవసరమైన ప్రాంతాల్లో అభివృద్ధి పనులను నాణ్యతా ప్రమాణాలతో పూర్తి చేసేలా చర్యలు తీసుకుంటున్నామని చెప్పారు.కాలనీ అభివృద్ధికి సొంత నిధులతో సహకరిస్తున్న మాజీ కౌన్సిలర్ చిట్టి ఉమేష్‌ను ఎమ్మెల్యే అభినందించారు. కాలనీల అభివృద్ధికి ప్రజలు, ప్రజాప్రతినిధులు సమన్వయంతో ముందుకు సాగాలని సూచించారు.రక్షిత మంచినీటి సరఫరాకు సహకరించిన ఎమ్మెల్యే గూడెం మహిపాల్ రెడ్డికి కాలనీవాసులు ప్రత్యేక కృతజ్ఞతలు తెలిపారు.కార్యక్రమంలో బీఆర్ఎస్ పార్టీ సీనియర్ నాయకులు సోమిరెడ్డి, రాములు గౌడ్, మాజీ ప్రజాప్రతినిధులు, సీనియర్ నాయకులు, కాలనీ వాసులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
