బీరంగూడ గుట్ట ఆలయ హుండీ లెక్కింపు
200 రోజుల్లో రూ.13.69 లక్షల ఆదాయం
ప్రజా పిలుపు / తెలంగాణ / సంగారెడ్డి : పటాన్చెరు: బీరంగూడ గుట్టపై కొలువైన శ్రీ భ్రమరాంబ మల్లికార్జున స్వామి దేవాలయంలో 200 రోజుల హుండీ లెక్కింపు కార్యక్రమాన్ని నిర్వహించారు. హుండీ ద్వారా మొత్తం రూ.13,69,009 ఆదాయం సమకూరినట్లు ఆలయ అధికారులు వెల్లడించారు.సంగారెడ్డి దేవాదాయ శాఖ ఇన్‌స్పెక్టర్ రంగారావు సమక్షంలో హుండీ లెక్కింపు ప్రక్రియ చేపట్టారు. ఆలయ కార్యనిర్వహణ అధికారి దేవనాదం, చైర్మన్ సుధాకర్ యాదవ్ పర్యవేక్షణలో దేవాదాయ శాఖ కమిటీ సభ్యులు, ఆలయ సిబ్బంది, భక్తుల సహకారంతో లెక్కింపు నిర్వహించారు.ఈ సందర్భంగా ఆలయ కార్యనిర్వహణ అధికారి దేవనాదం మాట్లాడుతూ హుండీ ద్వారా సమకూరిన ఆదాయాన్ని ఆలయ అభివృద్ధి కార్యక్రమాలకు వినియోగిస్తామని తెలిపారు. ఆలయ అభివృద్ధికి భక్తుల సహకారం ఎంతో అవసరమని పేర్కొన్నారు.చైర్మన్ సుధాకర్ యాదవ్ మాట్లాడుతూ 200 రోజుల హుండీ లెక్కింపులో రూ.13,69,009 ఆదాయం వచ్చినట్లు తెలిపారు. లెక్కింపు కార్యక్రమానికి సహకరించిన భక్తులకు ప్రత్యేక కృతజ్ఞతలు తెలిపారు. హుండీ ద్వారా వచ్చిన మొత్తాన్ని ఆలయ అభివృద్ధి కార్యక్రమాలకు ఖర్చు చేస్తామని వెల్లడించారు. ఆలయ కార్యక్రమాలకు సహకరిస్తున్న ప్రతి ఒక్కరికీ కృతజ్ఞతలు తెలిపారు.ఈ కార్యక్రమంలో దేవాదాయ శాఖ కమిటీ సభ్యులు, సీనియర్ అసిస్టెంట్ మల్లికార్జున్, ప్రధానార్చకులు ప్రహ్లాద్, అధికారులు, మహిళా భక్తులు, ఆలయ సిబ్బంది తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
