ఏసీబీ వలలో అవినీతి తిమింగలం
రూ.70 వేల లంచం తీసుకుంటూ ఏసీబీకి చిక్కిన చేర్యాల తహసీల్దార్
ప్రజా పిలుపు / తెలంగాణ / సిద్దిపేట : చేర్యాల తహసీల్దార్ దిలీప్ నాయక్ను అవినీతి నిరోధక శాఖ (ఏసీబీ) అధికారులు సోమవారం రెడ్హ్యాండెడ్గా పట్టుకున్నారు. వ్యవసాయ భూమిని వ్యవసాయేతర భూమిగా మార్చేందుకు ఓ రైతు నుంచి రూ.70 వేల లంచం డిమాండ్ చేసిన తహసీల్దార్, ఆ మొత్తాన్ని స్వీకరిస్తుండగా ఏసీబీ అధికారులు దాడి చేసి అదుపులోకి తీసుకున్నారు.ఏసీబీ అధికారుల సమాచారం మేరకు, సంబంధిత రైతు తన భూమి మార్పిడి ప్రక్రియ కోసం తహసీల్దార్ను సంప్రదించగా, పని పూర్తి చేయాలంటే రూ.70 వేల లంచం ఇవ్వాలని దిలీప్ నాయక్ డిమాండ్ చేసినట్లు తెలిసింది. దీంతో బాధితుడు ఏసీబీ అధికారులను ఆశ్రయించగా, వారి సూచనల మేరకు పథకం ప్రకారం లంచం అందజేస్తుండగా అధికారులు తహసీల్దార్ను పట్టుకున్నారు.ఈ ఘటనపై కేసు నమోదు చేసి దర్యాప్తు కొనసాగిస్తున్నట్లు ఏసీబీ అధికారులు వెల్లడించారు. పట్టుబడిన తహసీల్దార్ను విచారణ అనంతరం న్యాయస్థానంలో హాజరుపరచనున్నట్లు సమాచారం.
Admin
ప్రజా పిలుపు
మరిన్ని వార్తలు
Developed By :
