భక్తిశ్రద్ధలతో వినాయక నవరాత్రి వేడుకలు*
బీరంగూడలో ఘనంగా మహా అన్నదానం.. 5 వేల మందికి అన్నప్రసాదం
ప్రజా పిలుపు / తెలంగాణ / సంగారెడ్డి : బీరంగూడ గుట్ట కమాన్ వద్ద శ్రీ వరసిద్ధి వినాయక ఉత్సవ కమిటీ ఆధ్వర్యంలో నిర్వహిస్తున్న వినాయక నవరాత్రి ఉత్సవాల్లో భాగంగా మంగళవారం మహా అన్నదాన కార్యక్రమాన్ని ఘనంగా నిర్వహించారు. గత 15 ఏళ్లుగా కమిటీ ఆధ్వర్యంలో నవరాత్రి ఉత్సవాలను భక్తిశ్రద్ధలతో నిర్వహిస్తూ వస్తున్నారు.ఉత్సవాల్లో భాగంగా భారీ గణనాథుడిని ప్రతిష్ఠించి ప్రతిరోజూ ప్రత్యేక పూజలు, ఆధ్యాత్మిక కార్యక్రమాలు నిర్వహిస్తున్నారు. మంగళవారం నిర్వహించిన మహా అన్నదాన కార్యక్రమానికి పటాన్చెరు నియోజకవర్గ కాంగ్రెస్ ఇన్చార్జి కాటా శ్రీనివాస్ గౌడ్, సంగారెడ్డి జిల్లా మహిళా కాంగ్రెస్ అధ్యక్షురాలు కాటా సుధా శ్రీనివాస్ గౌడ్ ముఖ్య అతిథులుగా హాజరయ్యారు. భక్తులకు స్వయంగా అన్నప్రసాదాన్ని వడ్డించి అనంతరం గణనాథుడిని దర్శించుకుని ప్రత్యేక పూజలు నిర్వహించారు.ఈ సందర్భంగా సుమారు 5 వేల మంది భక్తులకు అన్నప్రసాదం అందించారు. బీరంగూడ, అమీన్పూర్తో పాటు పటాన్చెరు నియోజకవర్గంలోని వివిధ ప్రాంతాల నుంచి భక్తులు పెద్ద సంఖ్యలో తరలివచ్చి అన్నప్రసాదాన్ని స్వీకరించారు.భక్తులకు ఎలాంటి అసౌకర్యం కలగకుండా ఉత్సవ కమిటీ నిర్వాహకులు ప్రత్యేక ఏర్పాట్లు చేశారు. కార్యక్రమంలో మాజీ నాయకులు, సీనియర్ నాయకులు, ప్రజాప్రతినిధులు, అధికారులు, వివిధ పార్టీల నాయకులు, స్థానిక ప్రముఖులు, భక్తులు పెద్ద సంఖ్యలో పాల్గొన్నారు.ఈ సందర్భంగా కాటా శ్రీనివాస్ గౌడ్, కాటా సుధా శ్రీనివాస్ గౌడ్ ఉత్సవ కమిటీ సభ్యులను అభినందించారు. గత 15 ఏళ్లుగా భక్తిశ్రద్ధలతో వినాయక నవరాత్రి ఉత్సవాలను నిర్వహించడంతో పాటు మహా అన్నదాన కార్యక్రమాన్ని విజయవంతంగా నిర్వహిస్తున్న నిర్వాహకులను ప్రశంసించారు.
Admin
ప్రజా పిలుపు
మరిన్ని వార్తలు
Developed By :
