జీఎంఆర్ కన్వెన్షన్ హాల్ గేట్‌కు తాళం.. బీఆర్ఎస్ నేతల నిర్బంధం
ప్రజా పిలుపు / తెలంగాణ / సంగారెడ్డి : పటాన్చెరు: బీఆర్ఎస్ పార్టీ వర్కింగ్ ప్రెసిడెంట్ శ్రీ కేటీఆర్‌పై వ్యక్తిగత కక్షతో కాంగ్రెస్ పార్టీ వ్యవహరిస్తూ, జన్వాడ ఫామ్హౌస్ అంశంలో వివాదాలు సృష్టిస్తోందని ఆరోపిస్తూ ఆ పార్టీ నాయకులు నిరసనకు సిద్ధమయ్యారు.పటాన్చెరు శాసనసభ్యులు గూడెం మహిపాల్ రెడ్డి ఆదేశాల మేరకు జన్వాడ ఫామ్‌హౌస్‌కు వెళ్లేందుకు సిద్ధమైన పటాన్చెరు నియోజకవర్గ బీఆర్ఎస్ పార్టీ నాయకులను పోలీసులు అడ్డుకున్నారు.ఇదిలా ఉండగా, ఎమ్మెల్యే గూడెం మహిపాల్ రెడ్డి జన్మదిన వేడుకల సందర్భంగా నియోజకవర్గానికి చెందిన బీఆర్ఎస్ పార్టీ నాయకులు పటాన్చెరు డివిజన్ పరిధిలోని జీఎంఆర్ కన్వెన్షన్ హాల్ ఆవరణలో జన్మదిన వేడుకలను పూర్తి చేసుకుని బయటకు వెళ్లే క్రమంలో, పటాన్చెరు పోలీసులు కన్వెన్షన్ హాల్ ప్రధాన గేటుకు తాళం వేసి బీఆర్ఎస్ పార్టీ నాయకులను అక్కడే నిర్బంధించారు.జన్వాడ ఫామ్‌హౌస్‌కు వెళ్లకుండా తమను అడ్డుకోవడంపై బీఆర్ఎస్ నాయకులు పోలీసుల తీరుపై నిరసన వ్యక్తం చేశారు. ఈ ఘటనతో జీఎంఆర్ కన్వెన్షన్ హాల్ వద్ద కొంతసేపు ఉద్రిక్త వాతావరణం నెలకొంది.
Admin
ప్రజా పిలుపు
మరిన్ని వార్తలు
Developed By :
