బ్రహ్మోత్సవాల వేళ విద్యుత్ సరఫరా నిలిపివేత
చీకట్లోనే శ్రీ సిద్ధి గణపతి ఉత్సవాలు.. అధికారుల తీరుపై భక్తుల ఆగ్రహం
ప్రజా పిలుపు / తెలంగాణ / సంగారెడ్డి : పటాన్చెరు నియోజకవర్గం ఇస్నాపూర్ మున్సిపాలిటీ పరిధిలోని రుద్రారం గ్రామంలో శ్రీ గణేష్ గడ్డ సిద్ధి గణపతి దేవస్థానంలో నిర్వహిస్తున్న వార్షిక బ్రహ్మోత్సవాల సందర్భంగా విద్యుత్ సరఫరా నిలిచిపోవడంతో భక్తులు, స్థానిక ప్రజలు తీవ్ర అసంతృప్తి వ్యక్తం చేస్తున్నారు.బ్రహ్మోత్సవాల్లో భాగంగా ఆలయంలో ప్రత్యేక పూజలు, రథోత్సవం, పల్లకి సేవ, సాంస్కృతిక కార్యక్రమాలు తదితర కార్యక్రమాలు నిర్వహిస్తున్న సమయంలో విద్యుత్ సరఫరా నిలిచిపోవడంతో ఆలయ ప్రాంగణం చీకటిమయంగా మారిందని భక్తులు వాపోతున్నారు. ఉత్సవాలకు పెద్ద సంఖ్యలో భక్తులు హాజరవుతున్న నేపథ్యంలో విద్యుత్ సరఫరా నిలిచిపోవడంతో ఇబ్బందులు ఎదుర్కొంటున్నామని తెలిపారు.ప్రతిష్టాత్మకంగా నిర్వహిస్తున్న బ్రహ్మోత్సవాల సమయంలో విద్యుత్ సరఫరాపై ముందస్తు చర్యలు తీసుకోవాల్సిన అధికారులు, సిబ్బంది నిర్లక్ష్యంగా వ్యవహరించారని స్థానికులు ఆరోపిస్తున్నారు. ముఖ్యంగా రాత్రి వేళ భక్తుల రద్దీ ఎక్కువగా ఉండే సమయంలో విద్యుత్ లేకపోవడంతో భద్రతపరమైన సమస్యలు తలెత్తే అవకాశం ఉందని ఆందోళన వ్యక్తం చేస్తున్నారు.బ్రహ్మోత్సవాలు పూర్తయ్యే వరకు ఆలయ పరిసరాల్లో నిరంతరాయంగా విద్యుత్ సరఫరా ఉండేలా చర్యలు తీసుకోవాలని భక్తులు కోరుతున్నారు. విద్యుత్ సరఫరా నిలిచిపోవడానికి గల కారణాలను అధికారులు వెల్లడించడంతో పాటు, వెంటనే సమస్యను పరిష్కరించి ఉత్సవాలకు ఎలాంటి అంతరాయం కలగకుండా చర్యలు తీసుకోవాలని స్థానికులు, భక్తులు డిమాండ్ చేస్తున్నారు.
Admin
ప్రజా పిలుపు
మరిన్ని వార్తలు
Developed By :
