యాదగిరిగుట్టపై విషాదం.. కారు ఢీకొని యాచకురాలు మృతి
ప్రజా పిలుపు / తెలంగాణ / యాదాద్రి భువనగిరి : ప్రముఖ పుణ్యక్షేత్రం యాదగిరిగుట్టపై విషాదకర ఘటన చోటుచేసుకుంది. గుట్టపై బిక్షాటన చేస్తున్న ఓ యాచకురాలిని కారు ఢీకొనడంతో ఆమె అక్కడికక్కడే మృతి చెందింది. మృతురాలిని యాదగిరిగుట్టకు చెందిన ఈశ్వరమ్మగా పోలీసులు గుర్తించారు.ప్రమాదం జరిగిన వెంటనే పోలీసులు ఘటనాస్థలికి చేరుకుని మృతదేహాన్ని స్వాధీనం చేసుకున్నారు. పోస్టుమార్టం నిమిత్తం మృతదేహాన్ని భువనగిరి ఏరియా ఆసుపత్రికి తరలించారు.ప్రమాదానికి కారణమైన కారు డ్రైవర్ను పోలీసులు అదుపులోకి తీసుకుని పోలీస్స్టేషన్కు తరలించారు.యాచకురాలు ఆలయ పరిసరాల్లో మృతి చెందడంతో ఆలయ అధికారులు వెంటనే దర్శనాలను నిలిపివేశారు. ఆలయ పరిసరాల్లో సంప్రోక్షణ కార్యక్రమం నిర్వహించిన అనంతరం భక్తులకు తిరిగి దర్శనాలను పునరుద్ధరించనున్నట్లు అధికారులు తెలిపారు.ఈ ఘటనతో యాదగిరిగుట్టలో కొద్దిసేపు ఉద్రిక్త వాతావరణం నెలకొంది.
Admin
ప్రజా పిలుపు
మరిన్ని వార్తలు
Developed By :
