లంచం తీసుకుంటుండగా కీసర ఎస్ఐ రెడ్హ్యాండెడ్గా పట్టివేత
రూ.10 లక్షలు డిమాండ్.. రూ.5 లక్షలు తీసుకుంటుండగా ఏసీబీకి చిక్కిన ఎస్ఐ
ప్రజా పిలుపు / తెలంగాణ / హైద్రాబాద్ : ప్రజా పిలుపు కీసర, సెప్టెంబర్ 17: మేడ్చల్-మల్కాజిగిరి జిల్లా కీసర పోలీస్స్టేషన్లో అవినీతి నిరోధక శాఖ (ఏసీబీ) అధికారులు గురువారం సోదాలు నిర్వహించారు. రూ.5 లక్షల లంచం తీసుకుంటున్న కీసర ఎస్ఐ జ్ఞానేందర్రెడ్డిని ఏసీబీ అధికారులు రెడ్హ్యాండెడ్గా పట్టుకున్నట్లు సమాచారం. కీసర చెరువు సమీపంలో కారులో నగదు తీసుకుంటుండగా ఆయనను అదుపులోకి తీసుకున్నట్లు తెలిసింది.ఓ కేసులో నిందితుడికి స్టేషన్ బెయిల్ ఇప్పించేందుకు రూ.10 లక్షలు లంచంగా డిమాండ్ చేసినట్లు ఆరోపణలు ఉన్నాయి. ఇందులో భాగంగా రూ.5 లక్షలు ఎస్ఐకి ఇచ్చేలా ఒప్పందం కుదిరినట్లు సమాచారం. పోలీసుల వేధింపులతో ఇబ్బందులు ఎదుర్కొంటున్న బాధితుడు ఏసీబీ అధికారులను ఆశ్రయించినట్లు తెలుస్తోంది.గణేశ్ నిమజ్జనం విధుల్లో ఉన్న సమయంలోనే ఎస్ఐ లంచం తీసుకున్నట్లు సమాచారం. ఈ వ్యవహారంలో కీసర ఇన్స్పెక్టర్ ఆర్కపల్లి ఆంజనేయులు పాత్రపైనా ఏసీబీ అధికారులు దృష్టి సారించినట్లు తెలిసింది. పోలీస్స్టేషన్తో పాటు సంబంధిత అధికారుల ఇళ్లలోనూ తనిఖీలు కొనసాగుతున్నట్లు సమాచారం. ఏసీబీ డీఎస్పీ మజీద్ అలీఖాన్ ఆధ్వర్యంలో ఈ సోదాలు నిర్వహిస్తున్నట్లు తెలిసింది.
Admin
ప్రజా పిలుపు
మరిన్ని వార్తలు
Developed By :
