తలుపులు మూసి.. ప్రజాస్వామ్యానికి తాళం
ఇస్నాపూర్ మున్సిపాలిటీలో వార్డు సభ్యుల సమావేశంపై విమర్శలు
ప్రజా పిలుపు / తెలంగాణ / సంగారెడ్డి : * ఇస్నాపూర్ మున్సిపాలిటీలో నిర్వహించిన వార్డు సభ్యుల సమావేశం తలుపులు మూసి జరపడం తీవ్ర చర్చకు దారితీసింది. ప్రజా సమస్యలు, వార్డుల అభివృద్ధి, మున్సిపాలిటీ పాలనకు సంబంధించిన అంశాలపై చర్చించాల్సిన సమావేశాన్ని బహిరంగంగా నిర్వహించాల్సి ఉండగా, తలుపులు మూసి సమావేశం నిర్వహించడంపై స్థానికులు, ప్రజాప్రతినిధులు అసంతృప్తి వ్యక్తం చేస్తున్నారు.ప్రజలతో ముడిపడిన అంశాలపై జరిగే సమావేశాలకు పారదర్శకతే ప్రాధాన్యం కావాల్సి ఉండగా.. తలుపులు మూసి సమావేశం నిర్వహించాల్సిన అవసరం ఏమొచ్చిందనే ప్రశ్నలు ఇప్పుడు వెల్లువెత్తుతున్నాయి. సమావేశంలో ఏ అంశాలపై చర్చించారు? ప్రజలకు తెలియకూడని విషయాలు ఏమైనా ఉన్నాయా? అనే అనుమానాలు వ్యక్తమవుతున్నాయి.అధికారులు ప్రజలకు జవాబుదారీగా వ్యవహరించాల్సిన సమయంలో, సమావేశం నిర్వహణ తీరే అనుమానాలకు తావిచ్చేలా ఉండటం విమర్శలకు కారణమవుతోంది. ప్రజాస్వామ్యంలో తలుపులు తెరిచి పాలన సాగించాల్సిన అధికారులు.. సమావేశ మందిరానికి తాళం వేసే పరిస్థితి ఎందుకు తీసుకొచ్చారో స్పష్టం చేయాల్సిన బాధ్యత వారిపైనే ఉంది.వార్డు సభ్యుల సమావేశాన్ని తలుపులు మూసి నిర్వహించడంపై ఉన్నతాధికారులు దృష్టి సారించి, సమావేశం నిర్వహణకు గల కారణాలను వెల్లడించాలని స్థానికులు కోరుతున్నారు. పారదర్శక పాలనకు పెద్దపీట వేస్తున్నామని చెప్పే అధికారులు.. ఆచరణలో మాత్రం తలుపులు మూసుకుంటే ప్రజలకు సమాధానం ఎవరు చెబుతారన్నది ప్రశ్నార్థకంగా మారింది.
Admin
ప్రజా పిలుపు
మరిన్ని వార్తలు
Developed By :
