ట్రాఫిక్ క్లియర్ చేస్తున్న ప్రైవేట్ బౌన్సర్లు
ప్రత్యేక డ్రెస్ కోడ్‌లో బౌన్సర్లు.. ఓవర్ యాక్షన్‌పై విమర్శలు
ప్రజా పిలుపు / తెలంగాణ / సంగారెడ్డి : బీరంగూడ: సంగారెడ్డి జిల్లా బీరంగూడ పట్టణంలో మాజీ వైస్ చైర్మన్ నందారం నరసింహగౌడ్‌ ఆధ్వర్యంలో నిర్వహించిన గణేష్ నిమజ్జన కార్యక్రమంలో ప్రైవేట్ బౌన్సర్ల వ్యవహారశైలి చర్చనీయాంశంగా మారింది.నిమజ్జన కార్యక్రమంలో ట్రాఫిక్‌ను క్రమబద్ధీకరించే బాధ్యతలను కూడా ప్రైవేట్ బౌన్సర్లు నిర్వహిస్తూ కనిపించారు. ప్రత్యేక డ్రెస్ కోడ్‌తో విధులు నిర్వహిస్తూ వాహనాల రాకపోకలను నియంత్రించే ప్రయత్నం చేశారు. అయితే, కొందరు బౌన్సర్లు అత్యుత్సాహంగా వ్యవహరించారనే విమర్శలు వినిపించాయి.ముఖ్యంగా బీరంగూడలోని కార్యక్రమ ప్రాంతానికి సమీపంలోనే అమీన్‌పూర్‌ పోలీస్ స్టేషన్ ఉండటంతో, సాధారణంగా ట్రాఫిక్ నియంత్రణ బాధ్యతలు నిర్వహించే పోలీసుల విధులను ప్రైవేట్ బౌన్సర్లు చేపట్టడం స్థానికంగా చర్చకు దారితీసింది.నిమజ్జన కార్యక్రమాల సందర్భంగా ట్రాఫిక్ నియంత్రణ, భద్రతా చర్యలను పోలీసులు పర్యవేక్షించాల్సిన అవసరం ఉందని పలువురు అభిప్రాయపడుతున్నారు. ప్రైవేట్ సిబ్బందికి అప్పగించిన బాధ్యతలు, వారి అధికార పరిధిపై కూడా స్పష్టత ఉండాలని స్థానికులు కోరుతున్నారు.
Admin
ప్రజా పిలుపు
మరిన్ని వార్తలు
Developed By :
