Sunday, 08 November 2026 06:44:18 PM
విద్యార్థినికి ఆకులు తినిపించిన ఘటన.. ప్రిన్సిపల్, టీచర్ సస్పెండ్
Date : 09 October 2026 11:38 AM
Views : 323
ప్రజా పిలుపు / తెలంగాణ / మెదక్ : నర్సాపూర్: నారాయణపూర్ గిరిజన సంక్షేమ బాలికల గురుకుల పాఠశాలలో ఎనిమిదో తరగతి విద్యార్థినికి చెట్ల ఆకులు తినిపించిన ఘటనలో ప్రిన్సిపల్ రజని, ఉపాధ్యాయురాలు శ్రీలత సస్పెండ్ అయ్యారు. ఈ మేరకు గురుకులాల ప్రాంతీయ సమన్వయకర్త గంగారాం నాయక్ గురువారం ప్రకటన విడుదల చేశారు.గత నెల 28న తరగతి గదిని శుభ్రం చేస్తుండగా పొరపాటున కుర్చీ తగలడంతో ఆగ్రహించిన ఉపాధ్యాయురాలు శ్రీలత, విద్యార్థినికి శిక్షగా పాఠశాల ఆవరణలోని చెట్ల ఆకులు తినిపించినట్లు ఆరోపణలు వచ్చాయి. దీంతో విద్యార్థిని వాంతులు చేసుకోవడంతో చికిత్స అందించారు.బాధిత విద్యార్థిని తండ్రి ఫిర్యాదు మేరకు కలెక్టర్ ఆదేశాలతో అధికారులు విచారణ చేపట్టారు. విధుల పట్ల నిర్లక్ష్యంగా వ్యవహరించినట్లు గుర్తించి ప్రిన్సిపల్, ఉపాధ్యాయురాలిపై సస్పెన్షన్ వేటు వేశారు.
Vijay Kumar
Admin
ప్రజా పిలుపు
మరిన్ని వార్తలు
Copyright © Praja Pilupu 2026. All right Reserved.
Developed By :
Developed By :