22ఏ నిషేధిత జాబితాలో పేదల భూములు*
ప్రజా పిలుపు / తెలంగాణ / సంగారెడ్డి : 22ఏ నిషేధిత భూముల జాబితాలో తమ భూములు, ఇళ్లను చేర్చారంటూ అమీన్‌పూర్‌కు చెందిన బాధితులు తెలంగాణ భవన్‌కు తరలివచ్చారు. మాజీ మున్సిపల్ చైర్మన్ తుమ్మల పాండురంగారెడ్డి ఆధ్వర్యంలో వచ్చిన బాధితులు తమ ఆవేదనను బీఆర్ఎస్ నాయకత్వం దృష్టికి తీసుకెళ్లారు.దశాబ్దాలుగా నివాసముంటున్న ఇళ్లు, ప్లాట్లు నిషేధిత జాబితాలో చేరడంతో వాటిని విక్రయించలేక, తాకట్టు పెట్టలేక ఇబ్బందులు పడుతున్నామని బాధితులు వాపోయారు. పిల్లల చదువులు, వివాహాలు, వైద్య ఖర్చుల కోసం దాచుకున్న సొమ్ముతో కొనుగోలు చేసిన ఆస్తులు ఇప్పుడు ఉపయోగపడటం లేదని ఆవేదన వ్యక్తం చేశారు.ప్రభుత్వ నిర్ణయాలతో పేద, మధ్యతరగతి కుటుంబాలు నష్టపోతున్నాయని ఆరోపించారు. బాధితులకు అండగా ఉంటామని, 22ఏ నిషేధిత జాబితా సమస్యపై అసెంబ్లీలోనూ, క్షేత్రస్థాయిలోనూ పోరాడతామని బీఆర్ఎస్ నాయకత్వం హామీ ఇచ్చింది. ప్రభుత్వం క్షేత్రస్థాయిలో పరిశీలించి అర్హులైన ప్రైవేట్ భూములను 22ఏ జాబితా నుంచి తొలగించాలని బాధితులు డిమాండ్ చేశారు.
Admin
ప్రజా పిలుపు
మరిన్ని వార్తలు
Developed By :
