హియరింగ్ ప్రక్రియను వేగవంతం చేయాలి*
అర్హులైన ప్రతి ఒక్కరి పేరు ఓటరు జాబితాలో ఉండేలా చూడాలి:జిల్లా కలెక్టర్ ప్రతీక్ జైన్*
ప్రజా పిలుపు / తెలంగాణ / సంగారెడ్డి : * ఓటరు జాబితా ప్రత్యేక సమగ్ర సవరణలో భాగంగా నోటీసులు అందుకున్న ఓటర్ల ధ్రువపత్రాల పరిశీలన, హియరింగ్ ప్రక్రియను వేగవంతం చేయాలని జిల్లా కలెక్టర్ ప్రతీక్ జైన్ అధికారులను ఆదేశించారు.బుధవారం కలెక్టరేట్లో అడిషనల్ కలెక్టర్ సంగీతతో కలిసి రాజకీయ పార్టీల ప్రతినిధులతో కలెక్టర్ సమీక్ష నిర్వహించారు. ఈ సందర్భంగా ఆయన మాట్లాడుతూ.. మార్కింగ్ కాని, అనామలీ జాబితాలో ఉన్న ఓటర్లకు జారీ చేసిన నోటీసులకు సంబంధించి సమర్పిస్తున్న ధ్రువపత్రాలను త్వరితగతిన పరిశీలించాలని సూచించారు. అర్హత కలిగిన ప్రతి ఒక్కరి పేరు ఓటరు జాబితాలో ఉండేలా చర్యలు తీసుకోవాలన్నారు.నోటీసులు అందుకున్న ఓటర్లు 12 రకాల గుర్తింపు, ధ్రువపత్రాల్లో ఏదైనా ఒకదాన్ని సమర్పించాలని తెలిపారు. హియరింగ్కు హాజరై అవసరమైన ధ్రువపత్రాలు సమర్పించేలా బూత్ స్థాయి ఏజెంట్ల ద్వారా ఓటర్లకు అవగాహన కల్పించాలని రాజకీయ పార్టీల ప్రతినిధులను కోరారు.జిల్లాలో 4,11,717 మంది ఓటర్లకు నోటీసులు జారీ చేయగా.. ఇప్పటివరకు 2,48,395 మంది ఓటర్ల హియరింగ్ ప్రక్రియ పూర్తయిందని కలెక్టర్ తెలిపారు. ఎస్ఐఆర్ ప్రక్రియను పారదర్శకంగా, సమర్థవంతంగా నిర్వహించేందుకు రాజకీయ పార్టీలు, ప్రజలు సహకరించాలని కోరారు.సమావేశంలో అడిషనల్ కలెక్టర్ సంగీత, సంబంధిత అధికారులు, వివిధ రాజకీయ పార్టీల ప్రతినిధులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
