మహిళా సంఘాలకు సోషల్ ఆడిట్ నిర్వహణ కానుకుంట గ్రామంలో రాష్ట్రంలోనే తొలి పైలట్ సోషల్ ఆడిట్ పూర్తి
ప్రజా పిలుపు / తెలంగాణ / సంగారెడ్డి : మహిళా సంఘాల పనితీరును మరింత పారదర్శకంగా, సమర్థవంతంగా తీర్చిదిద్దేందుకు రాష్ట్ర ప్రభుత్వం చేపట్టిన సోషల్ ఆడిట్ పైలట్ కార్యక్రమంలో భాగంగా సంగారెడ్డి జిల్లాలోని గుమ్మడిదల, పటాన్చెరు మండలాల్లో మహిళా సంఘాలపై సోషల్ ఆడిట్ నిర్వహిస్తున్నారు. రాష్ట్రంలోని 9 జిల్లాల్లో ఈ పైలట్ కార్యక్రమాన్ని అమలు చేయాలని గౌరవ సెర్ప్ సీఈఓ దివ్య దేవరాజన్ ఆదేశించిన విషయం తెలిసిందే. ఈ క్రమంలో సంగారెడ్డి జిల్లాలో గుమ్మడిదల మండలం కానుకుంట గ్రామంలోని కానుకుంట-2 గ్రామైక్య సంఘం పరిధిలోని 34 మహిళా సంఘాలపై సోషల్ ఆడిట్ నిర్వహించారు. రాష్ట్రంలోనే మొట్టమొదటి సోషల్ ఆడిట్ కార్యక్రమం కానుకుంట గ్రామంలో జరగడం విశేషం.ఈ సోషల్ ఆడిట్ ఈ నెల 25వ తేదీ నుంచి ప్రారంభమై నిన్నటితో ముగిసింది. సోషల్ ఆడిట్ సందర్భంగా గుర్తించిన అంశాలను మహిళా గ్రామసభ ద్వారా సంఘ సభ్యులకు వివరించారు. సభ్యులు ఆ అంశాలను శ్రద్ధగా విని, చిన్నచిన్న లోపాలను సరిదిద్దుకుంటామని తెలిపారు.ముఖ్యంగా మహిళా సంఘాల పొదుపులలో భాగంగా తీసుకున్న అంతర్గత అప్పుల విషయంలో సభ్యులు అసలు కంటే వడ్డీలను మాత్రమే చెల్లిస్తూ వస్తున్నారని సోషల్ ఆడిట్లో గుర్తించారు. దీనిపై అవగాహన కల్పించడంతో సభ్యులు ఇకపై కిస్తీలు పెంచుకొని అసలును కూడా క్రమంగా చెల్లిస్తామని హామీ ఇచ్చారు. ఈ కార్యక్రమంలో రాష్ట్ర స్థాయి సీఆర్డీ డిప్యూటీ డైరెక్టర్ ఉషారాణి, రాష్ట్ర స్థాయి సెర్ప్ కార్యాలయం నుంచి జూనియర్ ప్రాజెక్ట్ ఎగ్జిక్యూటివ్ రాజేష్, జిల్లా స్థాయి అధికారి జాన్ కెన్నడీ (డీపీఎం), ఏపీఎం నరేందర్, సీసీ వరలక్ష్మి, వీఓఏ మహేశ్వరి, గ్రామ సంఘం అధ్యక్షులు యశోద, పూజ, మహిళా సంఘాల సభ్యులు, సోషల్ ఆడిట్ బృందం సభ్యులు పాల్గొన్నారు. ఈ సందర్భంగా మహిళా సంఘాల పనితీరును, సభ్యుల స్పందనను రాష్ట్ర స్థాయి సీఆర్డీ డిప్యూటీ డైరెక్టర్ ఉషారాణి అభినందించారు.
Admin
ప్రజా పిలుపు
మరిన్ని వార్తలు
Developed By :
