కరెంట్ కోతలను నిరసిస్తూ రైతుల ధర్నా
24 గంటల విద్యుత్ సరఫరా చేయాలని డిమాండ్
ప్రజా పిలుపు / తెలంగాణ / సంగారెడ్డి : హత్నూర: మంగాపూర్ గ్రామ రైతులు విద్యుత్ కోతలను నిరసిస్తూ నస్తీపూర్ సబ్‌స్టేషన్ ఎదుట ధర్నా నిర్వహించారు. ఈ సందర్భంగా రైతులు విద్యుత్ కోతల వల్ల ఎదురవుతున్న ఇబ్బందులను అధికారుల దృష్టికి తీసుకెళ్లారు.ఈ సందర్భంగా రైతులు మాట్లాడుతూ.. వ్యవసాయానికి నిరంతర విద్యుత్ సరఫరా లేకపోవడంతో తీవ్ర ఇబ్బందులు ఎదుర్కొంటున్నామని ఆవేదన వ్యక్తం చేశారు. రైతుల కష్టాలను గుర్తించి 24 గంటల పాటు నాణ్యమైన విద్యుత్ సరఫరా చేయాలని డిమాండ్ చేశారు. తరచూ విద్యుత్ కోతలు విధించడం వల్ల వ్యవసాయ పనులకు ఆటంకం కలుగుతోందని పేర్కొన్నారు. ప్రభుత్వం, విద్యుత్ అధికారులు స్పందించి విద్యుత్ సమస్యను వెంటనే పరిష్కరించి రైతులను కరెంటు కష్టాల నుంచి విముక్తి చేయాలని కోరారు.ఈ ధర్నా కార్యక్రమంలో గ్రామ సర్పంచ్, పాలకమండలి సభ్యులు, రైతులు, గ్రామ ప్రజలు భారీ సంఖ్యలో పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
