పటాన్చెరులో ఘనంగా జష్నే ఈద్ మిలాద్ఉన్ నబీ ర్యాలీ
ప్రజా పిలుపు / తెలంగాణ / సంగారెడ్డి : పటాన్చెరు: జష్నే ఈద్ మిలాద్ఉన్ నబీ సందర్భంగా పటాన్చెరు పట్టణంలో మిలాద్ఉన్ నబీ కమిటీ ఆధ్వర్యంలో నిర్వహించిన ర్యాలీ ఘనంగా జరిగింది. ఈ ర్యాలీలో బీఆర్ఎస్ నాయకులు, ఎండీఆర్ ఫౌండేషన్ కో-ఫౌండర్ మాద్రి పృథ్వీరాజ్ పాల్గొన్నారు.వెంకటేశ్వర థియేటర్ వద్ద ఎండీఆర్ ఫౌండేషన్ ఆధ్వర్యంలో ర్యాలీలో పాల్గొన్న వారికి శీతల పానీయాలు, తాగునీరు పంపిణీ చేశారు.ఈ సందర్భంగా మాద్రి పృథ్వీరాజ్ మాట్లాడుతూ.. పటాన్చెరు నియోజకవర్గం భిన్నత్వంలో ఏకత్వానికి ప్రతీకగా నిలుస్తోందన్నారు. అన్ని మతాలు, వర్గాల ప్రజలు పరస్పర గౌరవం, సహనం, సోదరభావంతో కలిసి మెలిసి జీవించాలని ఆకాంక్షించారు. శాంతి, ఐక్యత, మానవత్వం, సమానత్వం వంటి విలువలను ప్రతి ఒక్కరూ ప్రోత్సహించాలని పిలుపునిచ్చారు.జష్నే ఈద్ మిలాద్ఉన్ నబీ సందర్భంగా ర్యాలీలో పాల్గొన్న ముస్లిం సోదరులు, యువతకు మాద్రి పృథ్వీరాజ్ హృదయపూర్వక శుభాకాంక్షలు తెలిపారు.
Admin
ప్రజా పిలుపు
మరిన్ని వార్తలు
Developed By :
