క్యూర్ అర్బన్ స్కూల్ శంకుస్థాపనపై రాజకీయ రగడ*
రూ.48 కోట్ల నిధుల కేటాయింపుపై సీఎం రేవంత్ రెడ్డి చిత్రపటానికి కాంగ్రెస్ నేతల పాలాభిషేకం
ప్రజా పిలుపు / తెలంగాణ / సంగారెడ్డి : * ప్రజా పిలుపు తెల్లాపూర్ ఆగస్టు 17 : సంగారెడ్డి జిల్లా తెల్లాపూర్ జీహెచ్ఎంసీ సర్కిల్ పరిధిలో క్యూర్ అర్బన్ స్కూల్ నిర్మాణం, మౌలిక సదుపాయాల కల్పనకు రూ.48 కోట్ల నిధులు కేటాయించిన ముఖ్యమంత్రి రేవంత్ రెడ్డికి కృతజ్ఞతలు తెలుపుతూ తెల్లాపూర్ కాంగ్రెస్ పార్టీ మాజీ కౌన్సిలర్లు కొల్లూరు భరత్, శ్రీనివాస్ రెడ్డి ఆధ్వర్యంలో కాంగ్రెస్ నాయకులు, కార్యకర్తలు సీఎం చిత్రపటానికి పాలాభిషేకం చేశారు.క్యూర్ అర్బన్ స్కూల్ నిర్మాణానికి శంకుస్థాపన చేసేందుకు ఎమ్మెల్యే గూడెం మహిపాల్ రెడ్డి రావడంతో అక్కడ రాజకీయ వాతావరణం వేడెక్కింది. ఎమ్మెల్యే సమక్షంలో కాంగ్రెస్ పార్టీ నాయకులు నినాదాలు చేయగా, బీఆర్ఎస్ నాయకులు, కార్యకర్తలు సైతం ప్రతినినాదాలు చేయడంతో కొద్దిసేపు ప్రాంగణంలో నినాదాల హోరు నెలకొంది.ఇరుపార్టీల నాయకుల నినాదాల మధ్య ఎమ్మెల్యే గూడెం మహిపాల్ రెడ్డి క్యూర్ అర్బన్ స్కూల్ నిర్మాణానికి శంకుస్థాపన చేసి వెళ్లిపోయారు. కాంగ్రెస్ పార్టీ నాయకులు, అధికార యంత్రాంగం లేకుండా ఎమ్మెల్యే ఏ విధంగా శంకుస్థాపన చేస్తారని కాంగ్రెస్ నేతలు ప్రశ్నించారు.ఈ సందర్భంగా ఇరుపార్టీల నాయకుల మధ్య ఉద్రిక్త పరిస్థితులు నెలకొన్నప్పటికీ ఎలాంటి ఘర్షణ చోటుచేసుకోకపోవడంతో పోలీసులు ఊపిరి పీల్చుకున్నారు. పరిస్థితిని అదుపులో ఉంచేందుకు పోలీసులు అప్రమత్తంగా వ్యవహరించారు.
Admin
ప్రజా పిలుపు
మరిన్ని వార్తలు
Developed By :
