హుస్నాబాద్ పట్టణంలో మంత్రి పొన్నం ప్రభాకర్ పర్యటన*
పలు గణేష్ మండపాలను సందర్శించి ప్రత్యేక పూజలు నిర్వహించిన మంత్రి పొన్నం ప్రభాకర్
ప్రజా పిలుపు / తెలంగాణ / సిద్దిపేట : గణేష్ నవరాత్రి ఉత్సవాల సందర్భంగా హుస్నాబాద్ పట్టణంలోని పలు కాలనీల్లో ఏర్పాటు చేసిన గణేష్ మండపాలను మంత్రి పొన్నం ప్రభాకర్ సందర్శించి, గణేశుడికి ప్రత్యేక పూజలు నిర్వహించారు. ఈ సందర్భంగా రాష్ట్రంలో సమృద్ధిగా వర్షాలు కురిసి, పాడి పంటలు సమృద్ధిగా పండాలని, ప్రజలందరూ సుఖసంతోషాలతో ఉండాలని స్వామివారిని ప్రార్థించారు.రేపు హుస్నాబాద్ గణేష్ నవరాత్రి ఉత్సవాలు ముగిసి గణేశ్ నిమజ్జనం జరగనున్న నేపథ్యంలో ప్రజలందరూ ఐక్యంగా ఉత్సవాలను అంగరంగ వైభవంగా, ప్రశాంత వాతావరణంలో నిర్వహించుకోవాలని మంత్రి ఆకాంక్షించారు.గణేశ్ నిమజ్జనం కోసం రాష్ట్ర ప్రభుత్వం పకడ్బందీ ఏర్పాట్లు చేసిందని మంత్రి తెలిపారు. ఎలాంటి అవరోధాలు, ఆటంకాలకు తావులేకుండా నిమజ్జన కార్యక్రమాన్ని శాంతియుత వాతావరణంలో నిర్వహించుకోవాలని ప్రజలకు సూచించారు.ఈ కార్యక్రమంలో మున్సిపల్ చైర్మన్ దండి లక్ష్మి, వైస్ చైర్మన్ చిత్తారి పద్మ , కౌన్సిలర్లు, కాంగ్రెస్ పార్టీ ముఖ్య నాయకులు, కార్యకర్తలు, గణేష్ ఉత్సవ నిర్వాహకులు, భక్తులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
