సంగారెడ్డిలో పాస్‌పోర్ట్ సేవా కేంద్రం ఏర్పాటు దిశగా అడుగులు
యువజన సంఘాల సమితి రాష్ట్ర ప్రధాన కార్యదర్శి మెట్టుశ్రీధర్*
ప్రజా పిలుపు / తెలంగాణ / సంగారెడ్డి : * సంగారెడ్డి ప్రధాన తపాలా కార్యాలయాన్ని ఆధునీకరించి ఆదర్శ తపాలా కార్యాలయంగా తీర్చిదిద్దడంతో పాటు ప్రత్యేక పార్సెల్ నిర్వహణ విభాగం, పాస్‌పోర్ట్ సేవా కేంద్రం ఏర్పాటు చేయాలన్న ప్రతిపాదనపై కేంద్ర సమాచార, గ్రామీణాభివృద్ధి శాఖ సహాయ మంత్రి డా. పెమ్మసాని చంద్రశేఖర్ స్పందించి సంబంధిత శాఖకు పంపడం శుభపరిణామమని యువజన సంఘాల సమితి రాష్ట్ర ప్రధాన కార్యదర్శి మెట్టుశ్రీధర్ అన్నారు.యువజన సంఘాల సమితి రాష్ట్ర అధ్యక్షుడు కూన వేణు, రాష్ట్ర ప్రధాన కార్యదర్శి మెట్టుశ్రీధర్ సంయుక్తంగా మాట్లాడుతూ.. సంగారెడ్డిలో పాస్‌పోర్ట్ సేవా కేంద్రం ఏర్పాటు చేయాలన్న ప్రజల డిమాండ్‌పై గతంలో ప్రజలు, విద్యార్థులు, యువత నుంచి సంతకాల సేకరణ కార్యక్రమం నిర్వహించినట్లు తెలిపారు.ఈ అంశంపై స్పందించిన కేంద్ర మంత్రి డా. పెమ్మసాని చంద్రశేఖర్‌కు, పాస్‌పోర్ట్ సేవా కేంద్రం ఏర్పాటుకు చొరవ తీసుకున్న మెదక్ ఎంపీ మాధవనేని రఘునందన్ రావుకు యువజన సంఘాల సమితి తరఫున మెట్టుశ్రీధర్ ప్రత్యేక కృతజ్ఞతలు తెలిపారు.సంగారెడ్డిలో పాస్‌పోర్ట్ సేవా కేంద్రం ఏర్పాటు అయితే జిల్లాలోని విద్యార్థులు, విదేశాలకు వెళ్లే యువతతో పాటు సాధారణ ప్రజలకు ఎంతో ప్రయోజనం చేకూరుతుందని అన్నారు. పాస్‌పోర్ట్ సేవల కోసం హైదరాబాద్‌కు వెళ్లాల్సిన అవసరం తగ్గి, స్థానికంగానే సేవలు పొందే అవకాశం కలుగుతుందని పేర్కొన్నారు.సంగారెడ్డి జిల్లా ప్రజల చిరకాల డిమాండ్‌ను నెరవేర్చే దిశగా సంబంధిత శాఖలు త్వరితగతిన చర్యలు తీసుకోవాలని యువజన సంఘాల సమితి నాయకులు కోరారు.
Admin
ప్రజా పిలుపు
మరిన్ని వార్తలు
Developed By :
