ఆగస్ట్ 15న ముఖ్యమంత్రి రేవంత్ రెడ్డి పర్యటన:జగ్గారెడ్డి, నిర్మల*
సంగారెడ్డిలో నెహ్రూ, రాజీవ్ గాంధీ విగ్రహాల ఆవిష్కరణ
ప్రజా పిలుపు / తెలంగాణ / సంగారెడ్డి : సంగారెడ్డి పట్టణానికి ఆగస్టు 15న ముఖ్యమంత్రి రేవంత్ రెడ్డి రానున్నారు. ఈ సందర్భంగా పట్టణంలోని ఐబీ చౌరస్తాలో నూతనంగా ఏర్పాటు చేసిన మాజీ ప్రధానమంత్రులు జవహర్‌లాల్ నెహ్రూ, రాజీవ్ గాంధీ విగ్రహాలను ముఖ్యమంత్రి ఆవిష్కరించనున్నారు. గురువారం టీపీసీసీ వర్కింగ్ ప్రెసిడెంట్ జగ్గారెడ్డి, డీసీసీ అధ్యక్షురాలు నిర్మల జగ్గారెడ్డి అధికారులు, కాంగ్రెస్ నాయకులతో కలిసి విగ్రహాలు ఏర్పాటు చేసిన ప్రాంతాన్ని పరిశీలించారు.ముఖ్యమంత్రి చేతుల మీదుగా విగ్రహావిష్కరణ కార్యక్రమం జరగనున్న నేపథ్యంలో తీసుకోవాల్సిన జాగ్రత్తలు, భద్రతా చర్యలు, ఏర్పాట్లపై అధికారులకు సూచనలు చేశారు. విగ్రహావిష్కరణ కార్యక్రమంలో ముఖ్యమంత్రితో పాటు పాల్గొనే నాయకులు, ఇతర ప్రముఖుల వివరాలను అధికారులకు తెలియజేశారు.ఈ కార్యక్రమంలో కాంగ్రెస్ నియోజకవర్గ కన్వీనర్ జూలకంటి అంజనేయులు, సీడీసీ చైర్మన్ రామ్‌రెడ్డి, నాయకులు రఘుగౌడ్, జార్జ్, కూన సంతోష్, కిరణ్‌గౌడ్, మహేష్, శ్రీకాంత్, ప్రవీణ్, సందీప్‌రెడ్డి, మొగులయ్య, ఖలీల్ తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
