నాగులపల్లిలో కలుషితమవుతున్న మిషన్ భగీరథ తాగునీరు
పట్టించుకోని అధికారుల తీరుపై గ్రామస్తుల ఆవేదన
ప్రజా పిలుపు / తెలంగాణ / మెదక్ : * నర్సాపూర్ మండలం నాగులపల్లి గ్రామానికి సరఫరా అవుతున్న మిషన్ భగీరథ తాగునీరు కలుషితమవుతుండటంతో గ్రామస్తులు తీవ్ర ఆందోళన వ్యక్తం చేస్తున్నారు. నాగులపల్లి–మూసాపేట గ్రామాల మధ్య మిషన్ భగీరథ ప్రధాన పైప్లైన్ పగిలిపోవడంతో తాగునీటిలో మట్టి, మలినాలు, క్రిమికీటకాలు వస్తున్నాయని గ్రామస్తులు ఆరోపిస్తున్నారు.గత నెల రోజులుగా ఈ సమస్యను సంబంధిత అధికారుల దృష్టికి తీసుకెళ్లినప్పటికీ ఇప్పటివరకు ఎలాంటి చర్యలు తీసుకోలేదని వారు వాపోతున్నారు. ప్రస్తుతం వర్షాకాలం కావడంతో పగిలిన పైప్లైన్ ద్వారా కలుషిత నీరు తాగునీటిలో కలిసే ప్రమాదం ఉందని, తద్వారా ప్రజలకు ఆరోగ్య సమస్యలు తలెత్తే అవకాశం ఉందని ఆందోళన వ్యక్తం చేస్తున్నారు. ఇప్పటికైనా సంబంధిత అధికారులు స్పందించి పగిలిన పైప్లైన్ను గుర్తించి వెంటనే మరమ్మతులు చేపట్టాలని, గ్రామ ప్రజలకు స్వచ్ఛమైన తాగునీరు అందేలా చర్యలు తీసుకోవాలని నాగులపల్లి గ్రామస్తులు కోరుతున్నారు.
Admin
ప్రజా పిలుపు
మరిన్ని వార్తలు
Developed By :
