Wednesday, 11 November 2026 04:47:37 PM
నేడు పలు గ్రామాల్లో విద్యుత్ సరఫరాకు అంతరాయం
ఉదయం 10 నుంచి మధ్యాహ్నం 3 గంటల వరకు నిలిపివేత*
Date : 11 November 2026 04:31 PM
Views : 1
ప్రజా పిలుపు / తెలంగాణ / సంగారెడ్డి : గుమ్మడిదల 132/33 కేవీ విద్యుత్ సబ్‌స్టేషన్లలో మరమ్మతు పనుల కారణంగా నేడు గురువారం గుమ్మడిదల, జిన్నారం ఉమ్మడి మండలాల పరిధిలోని పలు గ్రామాల్లో విద్యుత్ సరఫరాకు అంతరాయం ఏర్పడనుంది. ఉదయం 10 గంటల నుంచి మధ్యాహ్నం 3 గంటల వరకు విద్యుత్ సరఫరా నిలిపివేయనున్నట్లు గుమ్మడిదల ఏడీఈ దుర్గాప్రసాద్ బుధవారం ఒక ప్రకటనలో తెలిపారు. గుమ్మడిదల, జిన్నారం, బొంతపల్లి, కానుకుంట, నల్లవల్లి, దుండిగల్ ఎయిర్‌ఫోర్స్ అకాడమీ, సోలక్‌పల్లి, శివనగర్, గడ్డపోతారం-1, గడ్డపోతారం-2, విశాల్ తదితర సబ్‌స్టేషన్ల పరిధిలో విద్యుత్ అంతరాయం ఉంటుందని పేర్కొన్నారు. విద్యుత్ మరమ్మతు పనులకు వినియోగదారులు సహకరించాలని ఆయన కోరారు. కార్యక్రమంలో బొంతపల్లి ఏఈ రవీందర్, జిన్నారం ఏఈ తుకారాం పాల్గొన్నారు.
Vijay Kumar
Admin
ప్రజా పిలుపు
మరిన్ని వార్తలు
Copyright © Praja Pilupu 2026. All right Reserved.
Developed By :
Developed By :