తొలగించిన జీపీ కార్మికులను వెంటనే విధుల్లోకి తీసుకోవాలి
ప్రజా పిలుపు / తెలంగాణ / సంగారెడ్డి : వట్టిపల్లి: తొలగించిన జీపీ కార్మికులను వెంటనే విధుల్లోకి తీసుకోవాలని సీఐటీయూ వట్టిపల్లి మండల కార్యదర్శి ఎర్రోళ్ల మహేష్ డిమాండ్ చేశారు. వట్టిపల్లి మండల కేంద్రంలో నిర్వహించిన విలేకరుల సమావేశంలో ఆయన మాట్లాడుతూ పెండింగ్ జీతాలను వెంటనే చెల్లించాలని కోరారు.జీపీ కార్మికులకు మాస్కులు, నూనె, బూట్లు, చేతి తొడుగులు, దుస్తులు వంటి కనీస మౌలిక సదుపాయాలు కల్పించాలని, ఉద్యోగ భద్రతతో పాటు ఈఎస్ఐ, పీఎఫ్, బీమా సౌకర్యాలు కల్పించాలని డిమాండ్ చేశారు. కొత్త సర్పంచుల తర్వాత కొన్ని గ్రామాల్లో కార్మికులను తొలగించడం సరికాదని, వారిని వెంటనే విధుల్లోకి తీసుకోవాలని అన్నారు. సమస్యలు పరిష్కరించకపోతే సీఐటీయూ ఆధ్వర్యంలో పెద్ద ఎత్తున ఉద్యమాలు చేపడతామని హెచ్చరించారు.కార్యక్రమంలో జీపీ కార్మికుల సంఘం మండల అధ్యక్షుడు భీమయ్య, నాయకులు గమ్మినాయక్, బాలయ్య, రాజయ్య, కాజా, లాలయ్య తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
