ఎస్ఐఆర్ విజయవంతంగా పూర్తి చేసిన బూత్ స్థాయి ప్రతినిధులు, కార్యకర్తలకు అభినందనలు
ప్రజా పిలుపు / తెలంగాణ / ఖమ్మం : నార్కట్పల్లి పట్టణంలో ప్రత్యేక ఓటరు జాబితా సవరణ ప్రక్రియను విజయవంతంగా పూర్తి చేసిన సందర్భంగా బూత్ స్థాయి ప్రతినిధులు, కాంగ్రెస్ పార్టీ కార్యకర్తలతో సమీక్ష సమావేశం నిర్వహించారు.ఈ సమావేశానికి ప్రభుత్వ విప్, నకిరేకల్ ఎమ్మెల్యే వేముల వీరేశం, నల్లగొండ జిల్లా కాంగ్రెస్ పార్టీ అధ్యక్షులు పున్న కైలాష్ నేత, నకిరేకల్ నియోజకవర్గ ప్రత్యేక ఓటరు జాబితా సవరణ సమన్వయకర్త, తెలంగాణ పారిశ్రామిక మౌలిక సదుపాయాల సంస్థ చైర్మన్ మువ్వా విజయబాబు, ఎన్నికల నమోదు అధికారి స్థాయి సమన్వయకర్త చామల శ్రీనివాస్ హాజరయ్యారు.ఈ సందర్భంగా ప్రత్యేక ఓటరు జాబితా సవరణ ప్రక్రియను విజయవంతంగా పూర్తి చేసిన బూత్ స్థాయి ప్రతినిధులు, కాంగ్రెస్ పార్టీ కార్యకర్తలను వారు అభినందించారు. ప్రక్రియలో భాగంగా అర్హులైన ఓటర్ల పేర్లు ఎవరైనా జాబితాలో లేకపోతే వెంటనే గుర్తించి, సంబంధిత అధికారుల దృష్టికి తీసుకెళ్లి అవసరమైన చర్యలు చేపట్టాలని సూచించారు.ప్రతి అర్హుడైన ఓటరుకు ఓటు హక్కు ఉండేలా, ఓటరు జాబితా సక్రమంగా ఉండేందుకు బూత్ స్థాయి ప్రతినిధులు, కార్యకర్తలు సమన్వయంతో మరింత బాధ్యతగా పనిచేయాలని వారు దిశానిర్దేశం చేశారు.ఈ కార్యక్రమంలో ప్రజాప్రతినిధులు, బూత్ స్థాయి ప్రతినిధులు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
