భక్తిశ్రద్ధలతో వినాయక నవరాత్రి ఉత్సవాలు నిర్వహించాలి
ప్రజా పిలుపు / తెలంగాణ / సంగారెడ్డి : పటాన్చెరు: సంగారెడ్డి జిల్లా పటాన్చెరు నియోజకవర్గం బీరంగూడ డివిజన్ పరిధిలోని సాయికృపా కాలనీ, సాయి భగవాన్ కాలనీలలో నూతనంగా నిర్మించిన వినాయక మండపాలను ఆదివారం ఉదయం పటాన్చెరు శాసనసభ్యులు గూడెం మహిపాల్ రెడ్డితో కలిసి అమీన్పూర్ మున్సిపల్ మాజీ చైర్మన్ తుమ్మల పాండురంగారెడ్డి ప్రారంభించారు.ఈ సందర్భంగా తుమ్మల పాండురంగారెడ్డి మాట్లాడుతూ ప్రజలందరూ భక్తిశ్రద్ధలతో, ఆనందోత్సాహాల మధ్య వినాయక నవరాత్రి ఉత్సవాలను ఘనంగా నిర్వహించుకోవాలని కోరారు. వినాయక చవితి పర్వదినాన్ని పురస్కరించుకుని కాలనీలలో ప్రత్యేక ఏర్పాట్లు చేయడం అభినందనీయమన్నారు. భక్తులు ప్రశాంత వాతావరణంలో ఉత్సవాలను నిర్వహించుకుంటూ, ప్రజలందరూ ఐకమత్యంతో పండుగను జరుపుకోవాలని సూచించారు.నూతనంగా నిర్మించిన వినాయక మండపాల వద్ద ఉత్సవాలకు అవసరమైన అన్ని ఏర్పాట్లు పూర్తి చేయాలని నిర్వాహకులకు సూచించారు. భక్తుల సౌకర్యార్థం తగిన ఏర్పాట్లు చేపట్టాలని, పర్యావరణ పరిరక్షణకు ప్రాధాన్యత ఇవ్వాలని కోరారు.ఈ కార్యక్రమంలో అమీన్పూర్ మున్సిపల్ మాజీ ఉపాధ్యక్షులు నరసింహ గౌడ్, మాజీ కౌన్సిలర్ కృష్ణ, బోయిని బాలమణి బాలరాజు, కొల్లూరి మల్లేష్, నవనీత జగదీష్, ఆయా కాలనీల సంక్షేమ సంఘాల ప్రతినిధులు, స్థానిక నాయకులు, భక్తులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
