గణేష్ ఉత్సవాలపై నిర్వాహకులకు అవగాహన సమావేశం
ప్రజా పిలుపు / తెలంగాణ / సంగారెడ్డి : భానూర్: గణేష్ ఉత్సవాలను ప్రశాంతంగా, సురక్షితంగా నిర్వహించేందుకు బీడీఎల్ భానూర్ పోలీస్ స్టేషన్ పరిధిలోని గణేష్ మండపాల నిర్వాహకులతో పోలీసుల ఆధ్వర్యంలో సమావేశం నిర్వహించారు. ఈ సమావేశంలో సుమారు 100 మంది గణేష్ మండపాల నిర్వాహకులు పాల్గొన్నారు.ఈ సందర్భంగా గణేష్ విగ్రహ ప్రతిష్ఠాపనకు సంబంధించిన వివరాలను నమోదు చేసుకునే విధానాన్ని నిర్వాహకులకు వివరించారు. మండపాల వద్ద పాటించాల్సిన భద్రతా చర్యలు, తీసుకోవాల్సిన జాగ్రత్తలపై అవగాహన కల్పించారు.అదేవిధంగా గణేష్ విగ్రహ నిమజ్జనం సమయంలో నిర్వాహకులు, భక్తులు అప్రమత్తంగా ఉండాలని సూచించారు. నిమజ్జన కార్యక్రమం సందర్భంగా ఎలాంటి అవాంఛనీయ ఘటనలు చోటుచేసుకోకుండా పోలీసుల సూచనలు పాటించాలని తెలిపారు.మండపాల వద్ద శబ్ద కాలుష్యానికి కారణమయ్యే డీజేలను వినియోగించరాదని నిర్వాహకులకు స్పష్టంగా సూచించారు. గణేష్ ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించేందుకు పోలీసులకు సహకరించాలని కోరారు.
Admin
ప్రజా పిలుపు
మరిన్ని వార్తలు
Developed By :
