27న టీజేఏసీ ధర్నాను జయప్రదం చేయాలి
ప్రజా పిలుపు / తెలంగాణ / సంగారెడ్డి : ఉద్యోగులు, ఉపాధ్యాయుల సమస్యల పరిష్కారం కోసం టీజేఏసీ ఆధ్వర్యంలో ఈ నెల 27న జిల్లా కలెక్టరేట్ ఎదుట నిర్వహించనున్న ధర్నాను జయప్రదం చేయాలని టీటీయూ జిల్లా అధ్యక్షులు పి. ప్రసాద్, జిల్లా ప్రధాన కార్యదర్శి శెట్టి రవికుమార్ పిలుపునిచ్చారు.స్థానిక పోతిరెడ్డిపల్లి పాఠశాలలో నిర్వహించిన విలేకరుల సమావేశంలో వారు మాట్లాడుతూ.. కాంగ్రెస్ ప్రభుత్వం అధికారంలోకి వచ్చి రెండున్నర సంవత్సరాలు గడుస్తున్నా ఉద్యోగ, ఉపాధ్యాయుల సమస్యల పరిష్కారంపై తగిన చర్యలు తీసుకోవడం లేదని ఆవేదన వ్యక్తం చేశారు.పెండింగ్లో ఉన్న ఆరు డీఏలను వెంటనే విడుదల చేయాలని, నూతన పీఆర్సీని ప్రకటించాలని, సీపీఎస్ను రద్దు చేసి పాత పెన్షన్ విధానం (ఓపీఎస్)ను అమలు చేయాలని డిమాండ్ చేశారు. అలాగే ఈహెచ్ఎస్ను సక్రమంగా అమలు చేయడంతో పాటు ఉద్యోగులు, ఉపాధ్యాయుల న్యాయమైన సమస్యలను పరిష్కరించాలని కోరారు.ఈ డిమాండ్ల సాధన కోసం ఈ నెల 27న నిర్వహించనున్న ధర్నాలో ఉద్యోగులు, ఉపాధ్యాయులు పెద్ద సంఖ్యలో పాల్గొని విజయవంతం చేయాలని విజ్ఞప్తి చేశారు. ప్రభుత్వం వెంటనే స్పందించి సమస్యల పరిష్కారానికి చొరవ చూపాలని, లేనిపక్షంలో రాబోయే రోజుల్లో పెద్ద ఎత్తున ఉద్యమాలు చేపడతామని హెచ్చరించారు.ఈ కార్యక్రమంలో జిల్లా అసోసియేట్ అధ్యక్షులు బట్టు నరసింహరాజు, జిల్లా కార్యదర్శి రాములు, రాష్ట్ర అధ్యక్షులు మొగులయ్య, జిల్లా మహిళా కార్యదర్శులు సౌజన్య, సుమాలిని తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
