ఢిల్లీ ర్యాలీకి బొల్లారం కాంగ్రెస్ నాయకులు
ప్రజా పిలుపు / తెలంగాణ / సంగారెడ్డి : ‘ఓటు బచావో.. దేశ్ బచావో’ నినాదంతో కేంద్ర ప్రభుత్వానికి వ్యతిరేకంగా ఇండియా కూటమి ఆధ్వర్యంలో ఢిల్లీలోని రామ్‌లీలా మైదాన్‌లో ఆదివారం నిర్వహిస్తున్న భారీ మెగా ర్యాలీకి బొల్లారం డివిజన్ కాంగ్రెస్ నాయకులు తరలివెళ్లారు. మాజీ కౌన్సిలర్ వి. చంద్రారెడ్డి ఆధ్వర్యంలో కాంగ్రెస్ నాయకులు ఢిల్లీ చలో కార్యక్రమంలో పాల్గొన్నారు. ఈ సందర్భంగా చంద్రారెడ్డి మాట్లాడుతూ.. ప్రజాస్వామ్యంలో ఓటు హక్కు అత్యంత విలువైనదని, ఆ హక్కును కాపాడుకోవాల్సిన బాధ్యత ప్రతి ఒక్కరిపై ఉందన్నారు. ప్రజాస్వామ్య వ్యవస్థను, రాజ్యాంగ విలువలను పరిరక్షించేందుకు ఇండియా కూటమి చేస్తున్న పోరాటానికి ప్రజల మద్దతు అవసరమని పేర్కొన్నారు. కేంద్ర ప్రభుత్వ విధానాలకు వ్యతిరేకంగా దేశవ్యాప్తంగా ప్రజాస్వామ్య శక్తులు ఏకమవుతున్నాయని తెలిపారు. ఓటు హక్కుల పరిరక్షణ కోసం కాంగ్రెస్ పార్టీ నిరంతరం పోరాటం చేస్తుందని స్పష్టం చేశారు. ఈ కార్యక్రమంలో కాంగ్రెస్ నాయకులు అబ్దుల్ బషీర్, శ్రీధర్ రెడ్డి, వెంకటయ్య తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
